ನವದೆಹಲಿ: ಫಾಸ್ಟ್ಯಾಗ್‌ ವ್ಯಾಲೆಟ್‌ನಲ್ಲಿ ಕನಿಷ್ಠ ಮೊತ್ತ ಇರಬೇಕು ಎಂಬ ನಿಬಂಧನೆಯನ್ನು ತೆಗೆದು ಹಾಕಲು ಭಾರತೀಯ ರಾಷ್ಟ್ರೀಯ ಹೆದ್ದಾರಿಗಳ ಪ್ರಾಧಿಕಾರ (ಎನ್‌ಎಚ್‌ಎಐ) ನಿರ್ಧರಿಸಿದೆ.
ಟೋಲ್‌ಪ್ಲಾಜಾಗಳಲ್ಲಿ ನಿರ್ಬಂಧರಹಿತ ವಾಹನ ಸಂಚಾರಕ್ಕೆ ಅವಕಾಶ ಮಾಡಿಕೊಡುವ ದೃಷ್ಟಿಯಿಂದ ಈ ನಿರ್ಧಾರ ಕೈಗೊಳ್ಳಲಾಗಿದೆ’ ಎಂದು ಎನ್‌ಎಚ್‌ಎಐ ಬುಧವಾರ ಪ್ರಕಟಣೆಯಲ್ಲಿ ತಿಳಿಸಿದೆ.
ಭದ್ರತಾ ಠೇವಣಿಯ ಜೊತೆಗೆ ಕನಿಷ್ಠ ಮೊಬಲಗು ವ್ಯಾಲೆಟ್‌ನಲ್ಲಿ ಇರಬೇಕು ಎಂಬುದನ್ನು ಫಾಸ್ಟ್ಯಾಗ್‌ ವಿತರಣೆ ಮಾಡುವ ಬ್ಯಾಂಕುಗಳು ಕಡ್ಡಾಯಗೊಳಿಸಿವೆ. ಈ ನಿಬಂಧನೆಯನ್ನು ತೆಗೆದು ಹಾಕುವುದಾಗಿ ಎನ್‌ಎಚ್‌ಎಐ ತಿಳಿಸಿದೆ.
