ಮುಂಬೈ ಕಡಲಕಿನಾರೆಯಲ್ಲಿ ಜೆಲ್ಲಿ ಫಿಶ್ ಕಚ್ಚಿ 150 ಮಂದಿಗೆ ಗಾಯ

ಬ್ಲೂ ಬಾಟಲ್ ಜೆಲ್ಲಿ ಫಿಶ್‌‍ಗಳು ಮುಂಗಾರಿನ ಮಧ್ಯ ಅವಧಿಯಲ್ಲಿ ಸಾಮಾನ್ಯವಾಗಿ ಮುಂಬೈ ಕಡಲ ಕಿನಾರೆಗಳಲ್ಲಿ ಕಾಣಸಿಗುತ್ತವೆ.

ಕಳೆದ ಎರಡು ದಿನಗಳಲ್ಲಿ ಸುಮಾರು150 ಜನರಿಗೆ ಜೆಲ್ಲಿ ಫಿಶ್ ಕಚ್ಚಿದೆ ಎಂದು ಜುಹೂ ಬೀಚ್‍ನಲ್ಲಿರುವವ್ಯಾಪಾರಿಯೊಬ್ಬರು ಹೇಳಿದ್ದಾರೆ ಎಂದು ಎನ್‌ಡಿಟಿವಿ ವರದಿ ಮಾಡಿದೆ.
ಕಡಲ ಕಿನಾರೆಯಲ್ಲಿನ ತುಂಬಾ ಜೆಲ್ಲಿ ಫಿಶ್‍ಗಳಿವೆ. ತುಂಬಾ ಜನರಿಗೆ ಇದು ಕಚ್ಚಿ ಗಾಯಮಾಡಿದೆ. ಜೆಲ್ಲಿ ಫಿಶ್ ಕಚ್ಚಿದ ಜಾಗಕ್ಕೆ ನಿಂಬೆಹಣ್ಣು ಉಜ್ಜಿ ನಾನು ಅವರಿಗೆ ಸಹಾಯ ಮಾಡಿದ್ದೇನೆ. ಜನರು ಈ ಹೊತ್ತಲ್ಲಿ ಬೀಚ್‍ಗೆ ಭೇಟಿ ನೀಡುವುದನ್ನು ನಿಲ್ಲಿಸಬೇಕೆಂದು ಆ ವ್ಯಾಪಾರಿ ಹೇಳಿದ್ದಾರೆ.

ಪ್ರತಿ ವರ್ಷವೂ ಕಡಲ ಕಿನಾರೆಯಲ್ಲಿ ಜೆಲ್ಲಿ ಫಿಶ್ ಕಾಣಿಸಿಕೊಳ್ಳುತ್ತದೆ.ಆದರೆ ಈ ಬಾರಿ ಹೆಚ್ಚಿನ ಸಂಖ್ಯೆಯಲ್ಲಿ ಕಾಣಿಸಿಕೊಂಡಿದೆ ಎಂದಿದ್ದಾರೆ ಇಲ್ಲಿನ ಸ್ಥಳೀಯರು.