‘ಕಡಿದಾದ ತಿರುವು, ಗುಂಡಿಗಳು ಮತ್ತು ಎತ್ತರದಲ್ಲಿರುವ ರಸ್ತೆಗಳಲ್ಲಿ ಸಂಚರಿಸಲು ವಾಹನ ಸವಾರರಿಗೆ ಹೆಚ್ಚಿನ ಕೌಶಲದ ಅವಶ್ಯಕತೆ ಮತ್ತು ಜಾಗರೂಕತೆಯ ಅಗತ್ಯವಿರುತ್ತದೆ. ರಸ್ತೆ ಅಪಘಾತಕ್ಕೆ ಹಲವು ಕಾರಣಗಳಿರುತ್ತವೆ. ಅದರಲ್ಲಿ ಅತಿಯಾದ ವೇಗ, ಆಟೊಮೊಬೈಲ್ನ ವಿನ್ಯಾಸ, ವಾಹನ ಚಲಾಯಿಸುವಾಗ ಮೊಬೈಲ್ ಫೋನ್ ಬಳಸುವುದು, ಮದ್ಯಪಾನ ಇಲ್ಲವೇ ಮಾದಕ ವಸ್ತು ಸೇವಿಸಿ ವಾಹನ ಚಲಾಯಿಸುವುದು, ವಾಹನದ ಸಾಮರ್ಥ್ಯಕ್ಕಿಂತ ಹೆಚ್ಚಿನ ಸರಕು ಒಯ್ಯುವುದು, ವಾಹನದ ಸ್ಥಿತಿ, ಮಂದ ಬೆಳಕು ಇವೆಲ್ಲವೂ ಅಪಘಾತಕ್ಕೆ ಕಾರಣವಾಗಬಲ್ಲವು’ ಎಂದು ಸಚಿವರು ಹೇಳಿದ್ದರು.