2018–2019ನೇ ಸಾಲಿನಿಂದ ಆರಂಭವಾಗುವ ಫೆಲೋಷಿಪ್ ಯೋಜನೆಯು 7 ವರ್ಷಗಳ ಅವಧಿಗೆ ₹1,650 ಕೋಟಿ ಮೀಸಲಿಟ್ಟಿದೆ. ಪಿಎಚ್.ಡಿ ಕೈಗೊಳ್ಳುವ ವಿದ್ಯಾರ್ಥಿಗೆ ಮೊದಲ ಎರಡು ವರ್ಷ ಪ್ರತಿ ತಿಂಗಳು ₹70,000, ಮೂರನೇ ವರ್ಷದಲ್ಲಿ ಪ್ರತಿ ತಿಂಗಳು ₹75,000, ನಾಲ್ಕು ಮತ್ತು ಐದನೇ ವರ್ಷದ ಪ್ರತಿ ತಿಂಗಳು ₹80,000 ನೀಡಲಾಗುವುದು. ವಿದೇಶಗಳಲ್ಲಿ ಸಂಶೋಧನಾ ಪ್ರಬಂಧ ಮಂಡಿಸಲು ಹಾಗೂ ಉಪನ್ಯಾಸ ಕಾರ್ಯಕ್ರಮಕ್ಕೆ ಹೋಗಲು ಹೆಚ್ಚುವರಿಯಾಗಿ ₹ 2 ಲಕ್ಷ ಅನುದಾನ ನೀಡಲಾಗುವುದು ಎಂದು ಸಚಿವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.
