ಶ್ರೀನಗರ(ಪಿಟಿಐ): ಉಗ್ರರು ಹತ್ಯೆ ನಡೆಸುತ್ತಿರುವ ವಿಡಿಯೊ ಪ್ರಸಾರವಾಗಿರುವ ಪ್ರಕರಣಕ್ಕೆ ಸಂಬಂಧಿಸಿ ಪೊಲೀಸರು ವಿವಿಧ ಸಾಮಾಜಿಕ ಜಾಲತಾಣ ಖಾತೆಗಳನ್ನು ಕೇಂದ್ರೀಕರಿಸಿ ತನಿಖೆ ನಡೆಸುತ್ತಿದ್ದಾರೆ ಎಂದು ಐಜಿಪಿ ಎಸ್.ಪಿ. ಪನಿ ಹೇಳಿದ್ದಾರೆ.
ಅಪಹರಿಸಿದ ಇಬ್ಬರು ನಾಗರಿಕರನ್ನು ಹತ್ಯೆ ನಡೆಸುತ್ತಿರುವ ಎರಡು ವಿಡಿಯೊಗಳನ್ನು ಹಿಜ್ಬುಲ್ ಮುಜಾಹಿದೀನ್ ಉಗ್ರ ಸಂಘಟನೆಯು ಈಚೆಗೆ ಬಿಡುಗಡೆ ಮಾಡಿತ್ತು.
‘ಇಂತಹ ಕೃತ್ಯಗಳನ್ನು ನಡೆಸುವುದು ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಸಾರ ಮಾಡುವುದು ಘೋರ ಅಪರಾಧ. ಈ ಕುರಿತು ಪ್ರಕರಣ ದಾಖಲಿಸಿಕೊಂಡಿದ್ದೇವೆ’ ಎಂದೂ ಪನಿ ಹೇಳಿದ್ದಾರೆ.