ಕಳೆದ ಸಾಲಿನಲ್ಲಿ ದೇಶದ ಆರು ರಾಷ್ಟ್ರೀಯ ಪಕ್ಷಗಳಿಗೆ ₹1293.05 ಕೋಟಿ ದೇಣಿಗೆ ಹರಿದು ಬಂದಿದ್ದು ಅದರಲ್ಲಿ ಅರ್ಧಕ್ಕಿಂತ ಹೆಚ್ಚು ಹಣ ಅಂದರೆ, ₹689.44 ಕೋಟಿ ಅನಾಮಧೇಯ ಮೂಲಗಳಿಂದ ಹರಿದು ಬಂದಿದೆ.
ಅಘೋಷಿತ ಮೂಲಗಳಿಂದ ಬಿಜೆಪಿಯೊಂದಕ್ಕೆ ₹553.38 ಕೋಟಿ ಹಣ ಸಂದಾಯವಾಗಿದ್ದು, ರಾಜಕೀಯ ಪಕ್ಷಗಳ ಇಂತಹ ನಿಧಿಯಲ್ಲಿ ಬಿಜೆಪಿಯ ಪಾಲು ಶೇ 80ರಷ್ಟಿದೆ.
ಬಿಜೆಪಿ, ಕಾಂಗ್ರೆಸ್, ಸಿಪಿಐ, ಬಿಎಸ್ಪಿ, ಟಿಎಂಸಿ ಮತ್ತು ಎನ್ಸಿಪಿ ಚುನಾವಣಾ ಆಯೋಗಕ್ಕೆ ಸಲ್ಲಿಸಿದ ದೇಣಿಗೆ ಮಾಹಿತಿ ಮತ್ತು ಆದಾಯ ತೆರಿಗೆ ಲೆಕ್ಕಪತ್ರ ವಿವರಗಳನ್ನು (ಐ.ಟಿ ರಿಟರ್ನ್ಸ್) ಆಧರಿಸಿ ಎಡಿಆರ್ ಈ ವಿಶ್ಲೇಷಣೆ ವರದಿ ತಯಾರಿಸಿದೆ. ಸಿಪಿಎಂ ಆದಾಯ ಮಾಹಿತಿ ಲಭ್ಯವಾಗಿಲ್ಲ ಎಂದು ಸಂಸ್ಥೆ ಹೇಳಿದೆ.
ರಾಜಕೀಯ ಪಕ್ಷಗಳಿಗೆ ಚುನಾವಣಾ ಬಾಂಡ್, ನಗದು ಮತ್ತು ದೇಣಿಗೆ ರೂಪದಲ್ಲಿ ದೇಣಿಗೆ ಹರಿದು ಬಂದಿದೆ.
₹20 ಸಾವಿರಕ್ಕಿಂತ ಕಡಿಮೆ ಮೊತ್ತದ ದೇಣಿಗೆ ನೀಡುವ ವ್ಯಕ್ತಿಗಳು ಮತ್ತು ಸಂಸ್ಥೆಗಳ ಹೆಸರು ಮತ್ತು ಮಾಹಿತಿಯನ್ನು ರಾಜಕೀಯ ಪಕ್ಷಗಳು ಬಹಿರಂಗ ಪಡಿಸುವ ಆಗತ್ಯವಿಲ್ಲ. ಇಂತಹ ಮೂಲಗಳಿಂದ ಪಕ್ಷಗಳು ₹354.22 ಕೋಟಿ ಸಂಗ್ರಹಿಸಿವೆ. ಚುನಾವಣಾ ಬಾಂಡ್ಗಳ ಮೂಲಕ ದೇಣಿಗೆ ಸಲ್ಲಿಸುವ ದಾನಿಗಳಿಗೂ ಇದೇ ನಿಯಮ ಅನ್ವಯಿಸುತ್ತದೆ.