ಅಪರೂಪದ ಪ್ರಾಣಿಯಾದ ರಾಕೂನ್, ಆಹಾರ, ನೀರು ಇಲ್ಲದೇ ನಿರ್ಜಲೀಕರಣದಿಂದ ತತ್ತರಿಸಿತ್ತು. ತನಿಖೆ ಮಾಡಿದಾಗ ರಾಕೂನ್ ನವೆಂಬರ್ 5ರಂದು ಅಮೆರಿಕದಿಂದ ಹೊರಟಿದ್ದ ಹಡಗಿನ ಕಂಟೇನರ್ನಲ್ಲಿ ಸಿಲುಕಿತ್ತು ಎಂಬುದು ಗೊತ್ತಾಗಿದೆ. ಅಂದರೆ 60 ದಿನ ಅದಕ್ಕೆ ತಿನ್ನಲು, ಕುಡಿಯಲು ಏನೂ ಸಿಕ್ಕಿಲ್ಲ. ಆದರೂ ಬದುಕಿದೆ ಎಂದು RAWW ಸಂಸ್ಥಾಪಕ ಪವನ್ ಶರ್ಮಾ ತಿಳಿಸಿದ್ದಾರೆ.
ನರಿ ಅಥವಾ ನಾಯಿಯನ್ನು ಹೋಲುವ ರಾಕೂನ್ ಪ್ರಾಣಿಗಳು ಮುಖ್ಯವಾಗಿ ಅಮೆರಿಕ, ಕೆನಡಾ ಸೇರಿದಂತೆ ಉತ್ತರ ಅಮೆರಿಕದಲ್ಲಿ ಕಂಡು ಬರುತ್ತವೆ. ಇವು ಮಧ್ಯಮ ಗಾತ್ರದ ಸಸ್ತನಿಗಳು ಎಂದು ಶರ್ಮಾ ತಿಳಿಸಿದ್ದಾರೆ.
ಸದ್ಯ ರಾಕೂನ್ ಚೇತರಿಸಿಕೊಳ್ಳುತ್ತಿದ್ದು ಅದಕ್ಕೆ ಅಗತ್ಯ ಆಹಾರ, ನೀರು ನೀಡಿದ್ದೇವೆ. ಅದನ್ನು ವಾಪಾಸ್ ಅಮೆರಿಕಕ್ಕೆ ಕಳುಹಿಸಲು ಪ್ರಯತ್ನಿಸಲಾಗುವುದು ಎಂದು ಶರ್ಮಾ ತಿಳಿಸಿದ್ದಾರೆ.