ಕೂಪನ್ಹೇಗನ್: ಡೆನ್ಮಾರ್ಕ್ನ ರಾಣಿ ಎರಡನೇ ಮಾರ್ಗರೇಟ್ (Queen Margrethe II) ಅವರು ತಮ್ಮ ಸ್ಥಾನವನ್ನು ತೊರೆಯುವುದಾಗಿ ಘೋಷಿಸಿದ್ದಾರೆ.
ವಿಶೇಷವೆಂದರೆ ಅವರು ಹೊಸ ವರ್ಷದ ಪ್ರಯುಕ್ತ ಡಿಸೆಂಬರ್ 31ರ ರಾತ್ರಿ ‘ನ್ಯಾಷನಲ್ ಡೇ’ ಆಚರಣೆ ಸಮಯದಲ್ಲಿ ದೇಶವನ್ನುದ್ದೇಶಿಸಿ ಸರ್ಕಾರಿ ಟಿ.ವಿ ವಾಹಿನಿಯಲ್ಲಿ ಮಾತನಾಡುತ್ತಿದ್ದರು. ಇದೇ ವೇಳೆ ಅವರು, ‘ನಾನು ರಾಣಿ ಸ್ಥಾನದಿಂದ ನಿರ್ಗಮಿಸುತ್ತಿದ್ದೇನೆ’ ಎಂದು ಘೋಷಿಸಿ ದೇಶದ ಜನರಿಗೆ ಅಚ್ಚರಿ ನೀಡಿದರು.
‘ಇದೇ ಜನವರಿ 14ರಿಂದ ನಾನು ರಾಣಿ ಸ್ಥಾನವನ್ನು ತೊರೆಯುತ್ತಿದ್ದು ತಮ್ಮ ಹಿರಿಯ ಮಗ ರಾಜಕುಮಾರ ಫ್ರೆಡರಿಕ್ ಅವರು ಮುಂದಿನ ರಾಜನಾಗಲಿದ್ದಾರೆ’ ಎಂದು ಘೋಷಿಸಿದ್ದಾರೆ.
‘ನಾನು ನಿರ್ಗಮಿಸುವ ಸಮಯ ಬಂದಿದೆ. ಹೊಸ ತಲೆಮಾರು ಅಧಿಕಾರ ಹಾಗೂ ಜವಾಬ್ದಾರಿ ವಹಿಸಿಕೊಳ್ಳುವ ಕಾಲ ಇದು’ ಎಂದು ರಾಣಿ ಹೇಳಿದ್ದಾರೆ.