ನವದೆಹಲಿ: ರೈಲ್ವೆ ಇಲಾಖೆಯಲ್ಲಿ ನಡೆದಿದೆ ಎನ್ನಲಾದ ‘ನೌಕರಿಗಾಗಿ ಭೂಮಿ’ ಹಗರಣದ ಹಣ ಅಕ್ರಮ ವರ್ಗಾವಣೆ ಪ್ರಕರಣಕ್ಕೆ ಸಂಬಂಧಿಸಿ ಬಿಹಾರದ ಮಾಜಿ ಮುಖ್ಯಮಂತ್ರಿ ರಾಬ್ಡಿ ದೇವಿ, ಅವರ ಪುತ್ರಿಯಾದ ಸಂಸದೆ ಮಿಸಾ ಭಾರ್ತಿ ವಿರುದ್ಧ ಜಾರಿ ನಿರ್ದೇಶನಾಲಯವು ಮಂಗಳವಾರ ಮೊದಲ ಆರೋಪಟ್ಟ ಪಟ್ಟಿ ಸಲ್ಲಿಸಿದೆ.
ಆರ್‌ಜೆಡಿ ಮುಖ್ಯಸ್ಥ ಲಾಲು ಪ್ರಸಾದ್ ಅವರ ಮತ್ತೊಬ್ಬ ಮಗಳು ಹೇಮಾ ಯಾದವ್ (40), ಯಾದವ್ ಕುಟುಂಬಕ್ಕೆ ಹತ್ತಿರದ ಸಂಬಂಧಿ ಎನ್ನಲಾದ ಅಮಿತ್ ಕಾತ್ಯಾಲ್ (49), ರೈಲ್ವೆ ನೌಕರ ಹಾಗೂ ಈ ಯೋಜನೆಯ ಫಲಾನುಭವಿ ಎನ್ನಲಾದ ಹೃದಯಾನಂದ ಚೌಧರಿ, ಇನ್ಫೊಸಿಸ್ಟಮ್ಸ್ ಪ್ರೈ. ಲಿ. ಹಾಗೂ ಎ.ಬಿ. ಎಕ್ಸ್‌ಪೋರ್ಟ್ಸ್ ಪ್ರೈ. ಲಿ. ಹಾಗೂ ಅವುಗಳ ನಿರ್ದೇಶಕ ಶಾರಿಕುಲ್ ಬಾರಿ ಅವರ ಹೆಸರುಗಳು ಸಹ ಆರೋಪ ಪಟ್ಟಿಯಲ್ಲಿವೆ.
