ಮುಂಬೈ: ಪಕ್ಷ ವಿರೋಧಿ ಚಟುವಟಿಕೆ ಆರೋಪದ ಮೇರೆಗೆ ಉದ್ಧವ್ ಠಾಕ್ರೆ ನೇತೃತ್ವದ ಶಿವಸೇನಾವು ಮಾಜಿ ಸಚಿವ ವಿಜಯ ಶಿವತಾರೆ ಅವರನ್ನು ಉಚ್ಚಾಟಿಸಿದೆ.
ಪುಣೆ ಜಿಲ್ಲೆಯ ಪುರಂದರ ಕ್ಷೇತ್ರ ಪ್ರತಿನಿಧಿಸುತ್ತಿರುವ ಶಿವತಾರೆ ಅವರ ಉಚ್ಚಾಟನೆ ನಿರ್ಧಾರವನ್ನು ಸೇನಾ ಮುಖವಾಣಿ ‘ಸಾಮ್ನಾ’ದಲ್ಲಿ ಪ್ರಕಟಿಸಲಾಗಿದೆ.
‘ಮುಖ್ಯಮಂತ್ರಿ ಏಕನಾಥ ಶಿಂಧೆ ನೇತೃತ್ವದ ಬಣವು ನಿಜವಾದ ಶಿವಸೇನಾ. 2019 ರಲ್ಲಿ ಕಾಂಗ್ರೆಸ್ ಜತೆ ಕೈ ಜೋಡಿಸುವ ನಿರ್ಧಾರ ಬಗ್ಗೆ ಶಿವಸೇನಾದಲ್ಲಿ ಯಾರಿಗೂ ಸಂತೋಷ ಇರಲಿಲ್ಲ. ಬಾಳಾ ಠಾಕ್ರೆ ಆಶಯದಂತೆ ಹಿಂದುತ್ವ ಎತ್ತಿಹಿಡಿಯುತ್ತಿರುವುದು ನಿಜವಾದ ಶಿವಸೇನಾ’ ಎಂದು ಶಿವತಾರೆ ತಿಳಿಸಿದರು.