ಅಗರ್ತಲಾ: ತಿಪ್ರ ಮೋಥಾ ಪಕ್ಷದ ನಾಯಕ ಅನಿಮೇಶ್ ದೆಬ್ಬಾರ್ಮ ಅವರು ತ್ರಿಪುರ ವಿಧಾನಸಭೆಯ ವಿರೋಧ ಪಕ್ಷದ ನಾಯಕ ಸ್ಥಾನಕ್ಕೆ ಗುರುವಾರ ರಾಜೀನಾಮೆ ನೀಡಿದ್ದಾರೆ.
ಅವರು ತಮ್ಮ ಪಕ್ಷದ ಮತ್ತೊರ್ವ ಶಾಸಕ ಬ್ರಿಶಕೇತು ದೆಬ್ಬಾರ್ಮ ಅವರೊಂದಿಗೆ ಇಂದು ಬಿಜೆಪಿ ನೇತೃತ್ವದ ಸರ್ಕಾರದಲ್ಲಿ ಸಚಿವರಾಗಿ ಪದಗ್ರಹಣ ಮಾಡಲಿದ್ದಾರೆ.
‘60 ಸಂಖ್ಯಾಬಲ ಇರುವ ವಿಧಾನಸಭೆಯಲ್ಲಿ ತಿಪ್ರ ಮೋಥಾ ಪಕ್ಷದ 13 ಶಾಸಕರಿದ್ದಾರೆ. ಪಕ್ಷವು ಬಿಜೆಪಿ ನೇತೃತ್ವದ ಮೈತ್ರಿ ಸರ್ಕಾರದಲ್ಲಿ ಪಾಲುದಾರನಾಗಲಿದ್ದು, ಎರಡು ಸಚಿವ ಸ್ಥಾನಗಳು ಸಿಗಲಿವೆ’ ಎಂದು ಅನಿಮೇಶ್ ಹೇಳಿದ್ದಾರೆ.