ನವೀಕರಿಸಬಹುದಾದ ಇಂಧನ ಮೂಲಗಳಿಂದ ಉತ್ಪಾದಿಸಲಾದ ಜಲಜನಕವನ್ನು ಹಸಿರು ಜಲಜನಕ ಎಂದು ಕರೆಯಲಾಗುತ್ತದೆ. ಹಸಿರು ಜಲಜನಕಕ್ಕೆ ಬೇಡಿಕೆ ಹೆಚ್ಚಿಸುವುದು, ಉತ್ಪಾದನೆ, ಬಳಕೆ ಹಾಗೂ ರಫ್ತು ಹೆಚ್ಚಿಸಲು ನೆರವು ನೀಡುವುದು ಈ ಕಾರ್ಯಕ್ರಮದ ಉದ್ದೇಶ. ಈ ಕಾರ್ಯಕ್ರಮದ ಅಡಿಯಲ್ಲಿ, ದೇಶೀಯವಾಗಿ ಜಲಜನಕ ಜನರೇಟರ್ಗಳ ತಯಾರಿಕೆ ಹಾಗೂ ಹಸಿರು ಜಲಜನಕ ಉತ್ಪಾದನೆ ಎಂಬ ಎರಡು ರೀತಿಯ ಹಣಕಾಸು ಉತ್ತೇಜನ ಯೋಜನೆಗಳನ್ನು ರೂಪಿಸಲಾಗುತ್ತಿದೆ. ಅಧಿಕ ಪ್ರಮಾಣದಲ್ಲಿ ಜಲಜನಕ ಉತ್ಪಾದಿಸುವ ಹಾಗೂ ಬಳಕೆ ಮಾಡುವ ಪ್ರದೇಶಗಳನ್ನು ಗುರುತಿಸಿ, ಅವುಗಳನ್ನು ಹಸಿರು ಜಲಜನಕ ಕೇಂದ್ರಗಳನ್ನಾಗಿ (ಹಬ್) ಅಭಿವೃದ್ಧಿಪಡಿಸಲು ಉದ್ದೇಶಿಸಲಾಗಿದೆ.