ಉತ್ತರ ಪ್ರದೇಶದಲ್ಲಿ ಅಪಹರಣ–ಕೊಲೆ: ನಾಲ್ವರು ಪೊಲೀಸರ ಅಮಾನತು

‘ಅಪಹೃತರ ಕುಟುಂಬದವರು ಒತ್ತೆ ಹಣವನ್ನು ನೀಡಿದ್ದಾರೆಯೇ ಇಲ್ಲವೇ ಎಂಬ ಬಗ್ಗೆ ಎಡಿಜಿಪಿ ಬಿ.ಪಿ. ಜೋಗದಂಡ ಅವರು ತನಿಖೆ ನಡೆಸಲಿದ್ದಾರೆ’ ಎಂದೂ ಸರ್ಕಾರ ಶುಕ್ರವಾರ ಹೇಳಿದೆ.

ಕಳೆದ ತಿಂಗಳಿನಲ್ಲಿ ಲ್ಯಾಬ್‌ ತಂತ್ರಜ್ಞರೊಬ್ಬರನ್ನು ಅಪಹರಿಸಿದ್ದ ಅಪರಿಚಿತರು, ಕೆಲವೇ ದಿನಗಳಲ್ಲಿ ಅವರ ಹತ್ಯೆ ನಡೆಸಿದ್ದರು. ಅಪಹೃತರ ಬಿಡುಗಡೆಗಾಗಿ ಪೊಲಿಸರ ಸಮ್ಮುಖದಲ್ಲೇ ₹30 ಲಕ್ಷ ಒತ್ತೆ ಹಣ ನೀಡಲಾಗಿತ್ತು ಎಂದು ಅವರ ಕುಟುಂಬದವರು ಹೇಳಿದ್ದಾರೆ. ಆದರೆ, ಕುಟುಂಬದವರು ಸುಳ್ಳು ಹೇಳುತ್ತಿದ್ದಾರೆ ಎಂದು ಸರ್ಕಲ್‌ ಆಫೀಸರ್‌ ವಿಕಾಸ್‌ ಪಾಂಡೆ ಹೇಳಿದ್ದಾರೆ.

ಪ್ರಕರಣಕ್ಕೆ ಸಂಬಂಧಿಸಿದಂತೆ ಹಲವು ಆರೋಪಿಗಳನ್ನು ವಶಪಡಿಸಿಕೊಂಡು ವಿಚಾರಣೆಗೆ ಒಳಪಡಿಸಲಾಗಿದೆ. ಅವರಲ್ಲಿ ಇಬ್ಬರು ತಾವು ಈ ಕೃತ್ಯದಲ್ಲಿ ಪಾಲ್ಗೊಂಡಿರುವುದನ್ನು ಒಪ್ಪಿಕೊಂಡಿದ್ದಾರೆ ಎಂದು ಕಾನ್ಪುರದ ಎಸ್‌ಪಿ ದಿನೇಶ್‌ ಕುಮಾರ್‌ ಪ್ರಭು ತಿಳಿಸಿದ್ದಾರೆ.