ನವದೆಹಲಿ (ಪಿಟಿಐ): ಪಿತೃತ್ವ ಖಟ್ಲೆಗೆ ಸಂಬಂಧಿಸಿದಂತೆ ವಂಶವಾಹಿ (ಡಿಎನ್ ಎ) ಪರೀಕ್ಷೆಗಾಗಿ ಹಿರಿಯ ಕಾಂಗ್ರೆಸ್ ನಾಯಕ ಎನ್. ಡಿ. ತಿವಾರಿ ಅವರ ರಕ್ತದ ಮಾದರಿಯನ್ನು ಹೇಗೆ ಮತ್ತು ಎಲ್ಲಿ ತೆಗೆದುಕೊಳ್ಳಬೇಕು ಎಂಬ ಬಗೆಗಿನ ಔಪಚಾರಿಕ ವಿಧಿ ವಿಧಾನಗಳನ್ನು ಫೆಬ್ರುವರಿ 19ರ ಶನಿವಾರ ಇತ್ಯರ್ಥಗೊಳಿಸಲು ದೆಹಲಿ ಹೈಕೋರ್ಟ್ ಮಂಗಳವಾರ ತೀರ್ಮಾನಿಸಿತು. . ತನ್ನ ತಾಯಿ ಉಜ್ವಲ ಶರ್ಮಾ ಜೊತೆಗಿನ ಬಾಂಧವ್ಯದ ಪರಿಣಾಮವಾಗಿಯೇ ತಾನು ಜನಿಸಿರುವುದಾಗಿ ದೆಹಲಿ ಯುವಕ ರೋಹಿತ್ ಶೇಖರ್ ಪ್ರತಿಪಾದಿಸುತ್ತಿದ್ದಾರೆ.ಶೇಖರ್ ಅವರು ಹೂಡಿರುವ ಪಿತೃತ್ವ ಖಟ್ಲೆಗೆ ಸಂಬಂಧಿಸಿದಂತೆ ವಂಶವಾಹಿ (ಡಿಎನ್ಎ) ಪರೀಕ್ಷೆ ಮಾಡಿಸಿಕೊಳ್ಳುವಂತೆ ಹೈಕೋರ್ಟಿನ ಏಕ ಸದಸ್ಯ ಪೀಠವು ಡಿಸೆಂಬರ್ 23ರಂದು ತಿವಾರಿ ಅವರಿಗೆ ಸೂಚಿಸಿತ್ತು.