ನವದೆಹಲಿ: ಕರ್ನಾಟಕದಲ್ಲಿ 948 ಜಲಮೂಲಗಳು ಒತ್ತುವರಿಯಾಗಿದೆ ಎಂದು ಕೇಂದ್ರ ಜಲಶಕ್ತಿ ಸಚಿವಾಲಯವು ಲೋಕಸಭೆಗೆ ಗುರುವಾರ ತಿಳಿಸಿದೆ.
ಸಚಿವಾಲಯವು ಈ ವರ್ಷ ಜಲಮೂಲಗಳ ಸಮೀಕ್ಷೆ ನಡೆಸಿದ್ದು, ಕರ್ನಾಟಕದ ಗ್ರಾಮೀಣ ಪ್ರದೇಶದಲ್ಲಿ 26,224 ಹಾಗೂ ನಗರ ಪ್ರದೇಶದಲ್ಲಿ 789 ಜಲಮೂಲಗಳಿವೆ. ಈ ಪೈಕಿ, ಗ್ರಾಮೀಣ ಪ್ರದೇಶದ 948 ಜಲಮೂಲಗಳು ಒತ್ತುವರಿಯಾಗಿವೆ. ನಗರ ಪ್ರದೇಶದ ಯಾವುದೇ ಜಲಮೂಲ ಒತ್ತುವರಿಯಾಗಿಲ್ಲ ಎಂದು ಜಲಶಕ್ತಿ ರಾಜ್ಯ ಸಚಿವ ಬಿಶ್ವೇಶ್ವರ ತುಡು ಉತ್ತರದಲ್ಲಿ ತಿಳಿಸಿದ್ದಾರೆ.
