ಚಾಮರಾಜನಗರ: ಜಿಲ್ಲೆಯ ಚೆಕ್‌ ಪೋಸ್ಟ್ ಮೂಲಕ ತಮಿಳುನಾಡಿಗೆ ಹೋಗುವುದಕ್ಕೆ ಹಾಗೂ ಅಲ್ಲಿಂದ ಜಿಲ್ಲೆಯನ್ನು ಪ್ರವೇಶಿಸುವುದಕ್ಕೆ ಈಗ ಆರ್‌ಟಿಪಿಸಿಆರ್ ನೆಗೆಟಿವ್ ವರದಿ ಕಡ್ಡಾಯ ಅಲ್ಲ. ಕೋವಿಡ್ ಲಸಿಕೆ ಎರಡು ಡೋಸ್ ಪಡೆದರೆ ಸಾಕು.
ಜಿಲ್ಲಾಡಳಿತವು ವಾರದ ಹಿಂದೆಯೇ, ಆರ್‌ಟಿಪಿಸಿಆರ್ ನೆಗೆಟಿವ್ ವರದಿ ಕಡ್ಡಾಯ ಮಾಡಿದ್ದ ಆದೇಶ ವಾಪಸ್ ಪಡೆದಿತ್ತು.
ಆದರೆ, ತಮಿಳುನಾಡು ಪ್ರವೇಶಕ್ಕೆ ಇ-ಪಾಸ್ ಜೊತೆಗೆ ಪರೀಕ್ಷಾ ನೆಗೆಟಿವ್ ವರದಿ ಕಡ್ಡಾಯವಾಗಿತ್ತು. ಎರಡು ದಿನಗಳಿಂದ ಅಲ್ಲಿನ ಸಿಬ್ಬಂದಿ ಕೂಡ ವರದಿಯನ್ನು ಕೇಳುತ್ತಿಲ್ಲ. ಆದರೆ, ಇ-ಪಾಸ್ ಹಾಗೂ ಕೋವಿಡ್ ಲಸಿಕೆ ಎರಡು ಡೋಸ್ ಪಡೆದಿರುವ ಪ್ರಮಾಣಪತ್ರವನ್ನು ತೋರಿಸುವುದು ಕಡ್ಡಾಯ.
