ಕಳೆಗುಂದಿದ ಪುಸ್ತಕ ಮಾರಾಟ

ಕೃಷಿ ವಿಶ್ವವಿದ್ಯಾಲಯ ಆವರಣ (ರಾಯ ಚೂರು): ಸಾಹಿತ್ಯ ಸಮ್ಮೇಳನದಲ್ಲಿನ ಪುಸ್ತಕ ಮಳಿಗೆಯವರ ಮುಖದಲ್ಲಿ ಈ ಬಾರಿ ಅಂತಹ ಖುಷಿ ಕಾಣಲಿಲ್ಲ. ಚಿಲ್ಲರೆ ಸೇರಿದಂತೆ ಹಲವಾರು ಕಾರಣಗಳಿಂದ ತಾವು ತೊಂದರೆ ಎದುರಿಸಬೇಕಾಯಿತು ಎಂದು ಪ್ರಕಾಶಕರು ಹಾಗೂ ಮಾರಾಟ ಗಾರರು ಬೇಸರ ವ್ಯಕ್ತಪಡಿಸಿದರು.

ಮೊದಲ ಎರಡು ದಿನ ನಿರೀಕ್ಷೆ ಯಂತೆ ವಹಿವಾಟು ನಡೆಯಲಿಲ್ಲ. ಕೊನೆ ದಿನವಾದ ಭಾನುವಾರವಾ ದರೂ ಚೇತರಿಕೆ ಕಂಡುಬರುತ್ತದೇನೋ ಎಂಬ ಅವರ ನಿರೀಕ್ಷೆಯೂ ಹುಸಿ ಆಯಿತು.

‘ಹಿಂದಿನ ಸಮ್ಮೇಳನಕ್ಕೆ ಹೋಲಿ ಸಿದರೆ ಈ ಬಾರಿ ಪುಸ್ತಕ ವ್ಯಾಪಾರ ಕಡಿ ಮೆಯಾಗಿದ್ದು, ಸರಾಸರಿ ಶೇ 35ರಷ್ಟು ವಹಿವಾಟು ನಡೆದಿರಬಹುದು’ ಎಂದು ಅಂದಾಜಿಸಿದರು.ಮಾರಾಟ ವಾದವು ಗಳಲ್ಲಿ ಅರ್ಧಕ್ಕಿಂತಲೂ ಹೆಚ್ಚು ಪುಸ್ತಕ ಗಳು ಪಿಡಿಒ, ಪಿಎಸ್ಐ ಆಯ್ಕೆ, ಕೆಎಎಸ್ ಸೇರಿದಂತೆ ಹಲವು ಸ್ಪರ್ಧಾತ್ಮಕ ಪರೀಕ್ಷಾ ತಯಾರಿಗೆ ಸಂಬಂಧಿಸಿದವುಗಳು’ ಎಂದೂ ಮಾರಾಟಗಾರರು ಹೇಳುತ್ತಾರೆ.

ಹಲವೆಡೆ ಜನರು ಎರಡು ಸಾವಿರ ರೂಪಾಯಿಯ ನೋಟು ಹಿಡಿದು ಬಂದು ನೂರು ರೂಪಾಯಿ ಖರೀದಿಗೆ ಮುಂದಾಗುತ್ತಿದ್ದಾಗ ವಿಧಿ ಇಲ್ಲದೆ ಅವರನ್ನು ಬರಿಗೈಯಲ್ಲಿ ಕಳುಹಿಸಿದ್ದಾಗಿ ಹಲವಾರು ಮಳಿಗೆಯವರು ಒಪ್ಪಿ ಕೊಂಡರು. ಹಲವರ ಬಳಿ ಸ್ವೈಪಿಂಗ್ ಯಂತ್ರ ಇದ್ದರೂ ನೆಟ್ವರ್ಕ್ ಸಮಸ್ಯೆ ಯಿಂದಾಗಿ ಕಾರ್ಯ ನಿರ್ವಹಿಸಲಿಲ್ಲ.

ಸಾಕಷ್ಟು ಸಿದ್ಧತೆ ಮಾಡಿಕೊಂಡೇ ಬಂದಿದ್ದ ಧಾರವಾಡದ ಕ್ಲಾಸಿಕ್ ಸ್ಟಡಿ ಸರ್ಕಲ್ ತಂಡ ತಮ್ಮ ಮೂರು ಮಳಿಗೆಯಲ್ಲಿ ಕಳೆದ ಎರಡು ದಿನಗಳಲ್ಲಿ ₹ 1.5 ಲಕ್ಷದಷ್ಟು ವಹಿವಾಟು ನಡೆಸಿದೆ. ‘ಅಗತ್ಯವಾದಷ್ಟು ಚಿಲ್ಲರೆ ಹಣವನ್ನು ಇಟ್ಟುಕೊಂಡೇ ಬಂದಿದ್ದರಿಂದ ಗ್ರಾಹಕರಿಗೂ ತಮಗೂ ತೊಂದರೆಯಾ ಗಲಿಲ್ಲ’ ಎಂದು ಸಂಸ್ಥೆಯ ಮಂಜುನಾಥ ಮಠಪತಿ ತಿಳಿಸಿದರು.

ಸಪ್ನ ಬುಕ್ ಹೌಸ್ನ ಮಾರಾಟ ವ್ಯವಸ್ಥಾಪಕ ಆರ್. ಕುಮಾರಸ್ವಾಮಿ 'ಎರಡೂ ದಿನ ಅಂದಾಜು ₹ 2.75 ಲಕ್ಷ ವಹಿವಾಟು ನಡೆಸಿರುವುದಾಗಿ ತಿಳಿಸಿದರು. ವಸಂತ ಪ್ರಕಾಶನದ ಉಮಾಶಂಕರ್ ಅವರಿಗೆ ಜನರ ಪ್ರತಿಕ್ರಿಯೆ ಸಮಾಧಾನ ತಂದಿದೆ. ಆದರೆ ಪಾರು ಪ್ರಕಾಶನದ ಶಿವಪುತ್ರಪ್ಪ ಅಂಗಡಿ ಹಾಗೂ ಗದುಗಿನ ಗಣೇಶ ಪ್ರಕಾಶನದ ಬಸವರಾಜ ವಡಕಣ್ಣವರ ಅವರು ಪುಸ್ತಕ ಮಳಿಗೆಗೆ ನೀಡಿದ ಸೌಲಭ್ಯದ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದರು. ನವಕರ್ನಾಟಕ ಪ್ರಕಾ ಶನದ ಪ್ರದರ್ಶನ ಹಾಗೂ ಮಾರಾಟ ಮಳಿಗೆಗಳಲ್ಲಿ ಸ್ವಂತ ಪ್ರಕಾಶನದ ಹಾಗೂ ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತರ ಕೃತಿಗಳು ಹೆಚ್ಚು ಮಾರಾಟವಾಗಿರುವುದಾಗಿ ಸುರೇಶ್ ತಿಳಿಸಿದರು.

ಮೈಸೂರಿನಲ್ಲಿ ಮಾಡಿ ತೋರಿಸುತ್ತೇವೆ ‘ಪ್ರಧಾನ ವೇದಿಕೆಯನ್ನು ಸುತ್ತುವರಿ ದಂತೆ ವೃತ್ತಾಕಾರದಲ್ಲಿ ಪುಸ್ತಕ ಮಳಿಗೆ ಇರಬೇಕಿತ್ತು. ಇದರಿಂದ ಮಳಿಗೆಯಲ್ಲಿದ್ದವರಿಗೂ ಸಮ್ಮೇಳನದ ವಾತಾವರಣವನ್ನು ಅನುಭವಿಸಲು ಸಾಧ್ಯವಾಗುತ್ತಿತ್ತು’ ಎಂದವರು ಮೈಸೂರಿನ ಅಭಿರುಚಿ ಪ್ರಕಾಶನದ ಅಭಿರುಚಿ ಗಣೇಶ್.

. ‘ಎಷ್ಟೋ ಜನರು ಸಮ್ಮೇಳನದ ಅಧ್ಯಕ್ಷರ ಭಾಷಣದ ಪ್ರತಿಯನ್ನು ವಿಚಾರಿಸಿದರು ಅಂದರೆ ಸಾಹಿತ್ಯದ ಬಗೆಗಿರುವ ಅವರ ಆಸಕ್ತಿ ಅರ್ಥವಾಗುತ್ತದೆ ಎಂದ ಅವರು, ತಮ್ಮ ಮಳಿಗೆಯಲ್ಲಿ ಕುವೆಂಪು ಹಾಗೂ ಪೂರ್ಣ ಚಂದ್ರ ತೇಜಸ್ವಿಗಳ ಕೃತಿಗಳ ಜೊತೆಗೆ ಬರಗೂರರ ಕಾದಂಬರಿಗಳು ಹೆಚ್ಚು ಮಾರಾಟವಾಗಿವೆ’ ಎಂದೂ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಳೆಗುಂದಿದ ಪುಸ್ತಕ ಮಾರಾಟ

ಚಿನಕುರುಳಿ: ಗುರುವಾರ, 22 ಜನವರಿ 2026

ಗುಂಡಣ್ಣ: ಗುರುವಾರ, 22 ಜನವರಿ 2026

ಭೋಜಶಾಲಾ ವಿವಾದ: ಹಿಂದೂಗಳಿಂದ ಪೂಜೆ, ಮುಸ್ಲಿಮರ ನಮಾಜ್‌ಗೆ ಸುಪ್ರಿಂ ಕೋರ್ಟ್ ಅವಕಾಶ

ವಾಲ್ಮೀಕಿ ನಿಗಮ ಹಗರಣ: ಮುಂಬೈ ಮಹಿಳೆ ನಾಗೇಂದ್ರ ಪತ್ನಿ; ಹೈಕೋರ್ಟ್‌ಗೆ ಸಿಬಿಐ

ಮೇರಿ ಕೋಮ್‌: ವಿಚ್ಛೇದನ, ಆರೋಪ ಮತ್ತು ಬಯೋಪಿಕ್ ವಿವಾದ

ಇಂಡೊನೇಷ್ಯಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್: ಕ್ವಾರ್ಟರ್‌ಫೈನಲ್‌ಗೆ ಸಿಂಧು, ಲಕ್ಷ್ಯ

ಕೊಕ್ಕೊ | ಬೆಂಗಳೂರು ನಗರ ಚಾಂಪಿಯನ್‌; ರಾಜ್ಯ ಒಲಿಂಪಿಕ್ಸ್‌ ಕ್ರೀಡಾಕೂಟಕ್ಕೆ ತೆರೆ

ಆಸ್ಟ್ರೇಲಿಯಾ ಓಪನ್‌ ಟೆನಿಸ್‌: ಜೊಕೊವಿಚ್‌, ಸಿನ್ನರ್ ಗೆಲುವಿನ ಓಟ

ಒಳನೋಟ: ಕಾಡು ಕಾಯುವವರ ವ್ಯಥೆ

ಒಳನೋಟ: ಪಶ್ಚಿಮಘಟ್ಟಕ್ಕೆ ಅಭಿವೃದ್ಧಿಯ ಕುತ್ತು

ಒಳನೋಟ | ಎಐ ಕಲಿತರಷ್ಟೇ ಕೆಲಸ: ಸೃಜನಶೀಲತೆ ಮತ್ತು ಸಹಜೀವನ ಅಗತ್ಯ

ಒಳನೋಟ | ಆನೆ ಕಾರಿಡಾರ್‌ ಕಣ್ಮರೆ: ಹೆಚ್ಚಿದ ಮಾನವ–ಕಾಡಾನೆ ಸಂಘರ್ಷ

ಚಿನಕುರುಳಿ: ಗುರುವಾರ, 22 ಜನವರಿ 2026

ಗುಂಡಣ್ಣ: ಗುರುವಾರ, 22 ಜನವರಿ 2026

ಭೋಜಶಾಲಾ ವಿವಾದ: ಹಿಂದೂಗಳಿಂದ ಪೂಜೆ, ಮುಸ್ಲಿಮರ ನಮಾಜ್‌ಗೆ ಸುಪ್ರಿಂ ಕೋರ್ಟ್ ಅವಕಾಶ

ವಾಲ್ಮೀಕಿ ನಿಗಮ ಹಗರಣ: ಮುಂಬೈ ಮಹಿಳೆ ನಾಗೇಂದ್ರ ಪತ್ನಿ; ಹೈಕೋರ್ಟ್‌ಗೆ ಸಿಬಿಐ