ಮಿಯಾಮಿ: ‘ಅಟ್ಲಾಸ್ ಏರ್’ ಸಂಸ್ಥೆಯ ಬೋಯಿಂಗ್–747-8 ಕಾರ್ಗೊ ವಿಮಾನ ಟೇಕಾಫ್ ಆದ ಕೆಲವೇ ಕ್ಷಣದಲ್ಲಿ ಬೆಂಕಿ ಹೊತ್ತಿಕೊಂಡಿದ್ದು ಸಿಬ್ಬಂದಿ ಸುರಕ್ಷಿತವಾಗಿ ತುರ್ತು ಭೂಸ್ಪರ್ಶ ಮಾಡಿಸಿದ್ದಾರೆ.
ಈ ಘಟನೆ ಅಮೆರಿಕದ ಮಿಯಾಮಿಯಿಂದ ವರದಿಯಾಗಿದೆ.
ವಿಮಾನ ಹಾರಾಟದಲ್ಲಿರುವಾಗಲೇ ಎಡ ರೆಕ್ಕೆಗೆ ಬೆಂಕಿ ಹೊತ್ತಿಕೊಂಡಿದ್ದ ದೃಶ್ಯವೊಂದು ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿದೆ. ಆದರೆ ಇದು ಬೋಯಿಂಗ್ ವಿಮಾನದ ದೃಶ್ಯವೇ ಎಂಬುದರ ಬಗ್ಗೆ ಖಾತ್ರಿಯಾಗಿಲ್ಲ ಎಂದು ವರದಿಗಳು ಹೇಳಿವೆ.