ಸಿಡ್ನಿ: ಕಾಂಗರೂ ರೀತಿ ಹೊಟ್ಟೆಚೀಲ ಹಾಗೂ ನೆಗೆಯಲು ಹಿಂಗಾಲು ಹೊಂದಿರುವ ‘ಕಾಂಗರೂ ಇಲಿ’ಗಳ ಸಂತತಿ ಭಾರಿ ಪ್ರಮಾಣದಲ್ಲಿ ಕ್ಷೀಣಿಸಿದ್ದು, ಸಂರಕ್ಷಣೆಗೆ ಮುಂದಾಗದಿದ್ದರೆ ಅವುಗಳ ಪ್ರಭೇದವೇ ನಾಶವಾಗುವ ಸಾಧ್ಯತೆಯಿದೆ ಎಂದು ವರದಿಯೊಂದು ಎಚ್ಚರಿಸಿದೆ.
ಕ್ವೀನ್ಸ್‌ಲ್ಯಾಂಡ್ ರಾಜ್ಯದ ಕರಾವಳಿಯ ಉಷ್ಣವಲಯದಲ್ಲಿ ಸುಮಾರು 2,500 ‘ಕಾಂಗರೂ ಇಲಿ’ಗಳು ಮಾತ್ರ ಉಳಿದಿವೆ ಎಂದು ಜಾಗತಿಕ ವನ್ಯಜೀವಿ ನಿಧಿ ಸಂಸ್ಥೆ ತಿಳಿಸಿದೆ. ಇವುಗಳ ಸಂಖ್ಯೆ ಕಳೆದ 30 ವರ್ಷಗಳ ಅವಧಿಯಲ್ಲಿ ಶೇ 70ರಷ್ಟು ಕಡಿಮೆಯಾಗಿದೆ ಎಂದು ಮಾಹಿತಿ ನೀಡಿದೆ.
ಇಲಿಯಷ್ಟು ಗಾತ್ರದ, ರಾತ್ರಿ ವೇಳೆಯಲ್ಲಿ ಚಟುವಟಿಕೆಯಿಂದಿರುವ ಈ ಪ್ರಬೇಧವು ಕಾಡುಬೆಕ್ಕುಗಳಿಂದ ಬೇಟೆ ಹಾಗೂ ಪದೇಪದೇ ಕಾಣಿಸಿಕೊಳ್ಳುವ ಕಾಡ್ಗಿಚ್ಚಿನಿಂದ ಅಪಾಯ ಎದುರಿಸುತ್ತಿದೆ.
