ಅಮೆರಿಕ: ಗುಂಡಿನ ದಾಳಿ–ಭಾರತೀಯ ವಿದ್ಯಾರ್ಥಿ ಸಾವು

26 ವರ್ಷದ ಆದಿತ್ಯ ಅದ್ಲಖಾ ಹತ್ಯೆಯಾದ ವಿದ್ಯಾರ್ಥಿ. ಆದಿತ್ಯ, ಸಿನ್‌ಸಿನಾಟಿ ವೈದ್ಯಕೀಯ ವಿಶ್ವವಿದ್ಯಾಲಯದಲ್ಲಿ ಮಾಲೆಕ್ಯೂಲರ್ ಅಂಡ್ ಡೆವಲೆಪ್‌ಮೆಂಟಲ್‌ ಬಯೊಲಾಜಿ ವಿಷಯದಲ್ಲಿ ಪಿಎಚ್‌.ಡಿ ಮಾಡುತ್ತಿದ್ದ ಎಂದು ಡಬ್ಲ್ಯುಎಕ್ಸ್‌ಐಎಕ್ಸ್‌ ಟಿವಿ ವರದಿ ಮಾಡಿದೆ.

‘ನ.9ರಂದು ಈ ಘಟನೆ ನಡೆದಿದ್ದು, ಕಾರಿನಲ್ಲಿದ್ದ ಆದಿತ್ಯ ಅವರತ್ತ ಗುಂಡು ಹಾರಿಸಲಾಯಿತು. ಗಂಭೀರವಾಗಿ ಗಾಯಗೊಂಡಿದ್ದ ಆದಿತ್ಯ ಅವರನ್ನು ಯುಸಿ ಮೆಡಿಕಲ್‌ ಸೆಂಟರ್‌ನಲ್ಲಿ ದಾಖಲಿಸಲಾಗಿತ್ತು.  ಎರಡು ದಿನಗಳ ನಂತರ ಅವರು ಮೃತಪಟ್ಟರು’ ಎಂದು ಹ್ಯಾಮಿಲ್ಟನ್‌ ಕೌಂಟಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ. 

ಘಟನೆಗೆ ಸಂಬಂಧಿಸಿ ಈ ವರೆಗೆ ಯಾರನ್ನೂ ಬಂಧಿಸಿಲ್ಲ ಎಂದು ಸ್ಥಳೀಐ ಮಾಧ್ಯಮಗಳು ವರದಿ ಮಾಡಿವೆ.