ಇದಕ್ಕೂ ಮುನ್ನ ಭಾನುವಾರ ಬೆಳಿಗ್ಗೆ, ‘ಉಕ್ರೇನ್ನಲ್ಲಿ ಉಳಿದಿರುವ ಭಾರತೀಯರು ತೆರವು ಅರ್ಜಿಯನ್ನು ಭರ್ತಿ ಮಾಡಿ’ ಎಂದು ರಾಯಭಾರ ಕಚೇರಿಯು ಟ್ವೀಟ್ ಮಾಡಿತ್ತು. ಟ್ವೀಟ್ನಲ್ಲಿ ಗೂಗಲ್ ಅರ್ಜಿಯ ಲಿಂಕ್ ಲಗತ್ತಿ
ಸಿತ್ತು. ಅದರ ಬೆನ್ನಲ್ಲೇ, ಕೊನೆಯ ಹಂತದ ಕಾರ್ಯಾಚರಣೆಯ ವಿವರಗಳನ್ನು ವಿದೇಶಾಂಗ ಸಚಿವಾಲಯವು ಪ್ರಕಟಿಸಿದೆ. ‘ಈ ಕಾರ್ಯಾಚರಣೆಯ ಭಾಗವಾಗಿ ಉಕ್ರೇನ್ನ ನೆರೆಯ ದೇಶಗಳಿಂದ ಸೋಮವಾರ ಒಟ್ಟು ಎಂಟು ವಿಮಾನಗಳನ್ನು ನಿಯೋಜಿಸಲಾಗಿದೆ’ ಎಂದು ನಾಗರಿಕ ವಿಮಾನಯಾನ ಸಚಿವಾಲಯವು ಹೇಳಿದೆ.