ವಾಷಿಂಗ್ಟನ್:ಭಾರತ ಮೂಲದ ವಿಜ್ಞಾನಿ ಡಾ. ಆರತಿ ಪ್ರಭಾಕರ್ ಅವರನ್ನು ಅಮೆರಿಕ ಅಧ್ಯಕ್ಷರ ಹಿರಿಯ ವೈಜ್ಞಾನಿಕ ಸಲಹೆಗಾರರಾಗಿ ಅಧ್ಯಕ್ಷ ಜೋ ಬೈಡನ್ ನಾಮ ನಿರ್ದೇಶನ ಮಾಡಿದ್ದಾರೆ. ಇದು ಭಾರತೀಯ-ಅಮೆರಿಕ ಸಮುದಾಯಕ್ಕೆ ಐತಿಹಾಸಿಕ ಕ್ಷಣ ಎಂದು ಬಣ್ಣಿಸಲಾಗಿದೆ.
ಈ ನಾಮನಿರ್ದೇಶನ ಅಮೆರಿಕದ ಸೆನೆಟ್ನಿಂದ ಖಚಿತವಾದರೆ ಆರತಿ ಪ್ರಭಾಕರ್ ಅವರು ವಿಜ್ಞಾನ ಮತ್ತು ತಂತ್ರಜ್ಞಾನ ನೀತಿಯ ಕಛೇರಿಯ ಮುಖ್ಯ ನಿರ್ದೇಶಕರಾಗಿ ನೇಮಕವಾದ ಮೊದಲ ಮಹಿಳೆ, ಮೊದಲ ವಲಸಿಗರು ಎಂಬ ಕೀರ್ತಿಗೆ ಭಾಜನರಾಗಲಿದ್ದಾರೆ.