ಕಡಲ್ಗಳ್ಳರು ಅಪಹರಿಸಿದ್ದ ಹಡಗಿನಲ್ಲಿದ್ದ ಶ್ರೀಲಂಕಾದ ಮೀನುಗಾರರ ರಕ್ಷಣೆ

ಶ್ರೀಲಂಕಾದ ನೌಕಾಪಡೆಯ ಮನವಿಗೆ ಸ್ಪಂದಿಸಿ ಸಿಷೆಲ್ಸ್‌ ದೇಶದ ಭದ್ರತಾ ಪಡೆಗಳು ಕಾರ್ಯಾಚರಣೆ ನಡೆಸಿ ಮೀನುಗಾರರನ್ನು ರಕ್ಷಿಸಿವೆ. ಮೂವರು ಕಡಲ್ಗಳ್ಳರು ಶರಣಾಗಿದ್ದಾರೆ ಎಂದೂ ಹೇಳಿದೆ.

‘ಲೊರೆನ್ಜೊ ಪುತಾ 4’ ಹಡಗಿನಲ್ಲಿದ್ದ ಮೀನುಗಾರರನ್ನು ಸಿಷೆಲ್ಸ್‌ನ ರಾಜಧಾನಿಗೆ ಕರೆದೊಯ್ಯಲಾಗಿದೆ ಎಂದೂ ವರದಿಯಲ್ಲಿ ವಿವರಿಸಿದೆ.

ಮೀನುಗಾರಿಕಾ ಹಡಗನ್ನು ಸೊಮಾಲಿಯಾದ ಕಡಲ್ಗಳ್ಳರು ಅಪಹರಿಸಿರುವ ಸಾಧ್ಯತೆ ಇದ್ದು, ಅವರ ಪತ್ತೆಗಾಗಿ ಆಫ್ರಿಕಾ ಪ್ರದೇಶದಲ್ಲಿರುವ ಶ್ರೀಲಂಕಾದ ರಾಯಭಾರಿ ಸೊಮಾಲಿಯಾದ ಅಧಿಕಾರಿಗಳ ಜೊತೆಗೆ ಮಾತುಕತೆ ನಡೆಸಿದ್ದಾರೆ ಎಂದು ಶ್ರೀಲಂಕಾ ನೌಕಾಪಡೆಯ ವಕ್ತಾರ ಕ್ಯಾಪ್ಟನ್‌ ಗಯನ್‌ ವಿಕ್ರಮಸಿಂಘೆ ಹೇಳಿದ್ದರು.

ಕೆಂಪು ಸಮುದ್ರದಲ್ಲಿ ಸರಕು ಸಾಗಣೆ ಹಡಗುಗಳ ರಕ್ಷಣೆಗಾಗಿ ಅಮೆರಿಕ ನೇತೃತ್ವದಲ್ಲಿ ನಡೆಯುತ್ತಿರುವ ಕಾರ್ಯಾಚರಣೆಗೆ ಕೈಜೋಡಿಸುವುದಾಗಿ ಶ್ರೀಲಂಕಾ ಘೋಷಿಸಿದ ಎರಡು ವಾರಗಳ ಬಳಿಕ ಈ ಹಡಗನ್ನು ಅಪಹರಿಸಲಾಗಿದೆ. ಯೆಮನ್‌ನ ಹುತಿ ಬಂಡುಕೋರರು ಕೂಡ ಕೆಂಪು ಸಮುದ್ರದಲ್ಲಿ ಸರಕು ಸಾಗಣೆ ಹಡುಗಳ ಮೇಲೆ ಪದೇ ಪದೇ ದಾಳಿ ನಡೆಸುತ್ತಿದ್ದಾರೆ.