ಸೋಲ್: ಪಶ್ಚಿಮ ಕರಾವಳಿಯ ಸಮುದ್ರದಲ್ಲಿ ಉತ್ತರ ಕೊರಿಯಾ ಮತ್ತೊಂದು ಕ್ರೂಸ್ ಕ್ಷಿಪಣಿಯ ಪರೀಕ್ಷೆ ನಡೆಸಿದೆ ಎಂದು ದಕ್ಷಿಣ ಕೊರಿಯಾ ಹೇಳಿದೆ.
ಕ್ರೂಸ್ ಕ್ಷಿಪಣಿ ಹಾರಿಸುತ್ತಿರುವುದನ್ನು ದಕ್ಷಿಣ ಕೊರಿಯಾದ ಮಿಲಿಟರಿ ಪತ್ತೆ ಹಚ್ಚಿದ್ದು, ಒಂದು ತಿಂಗಳೊಳಗೆ ನಡೆಸಿದ ಮೂರನೇ ಪರೀಕ್ಷೆ ಇದಾಗಿದೆ ಎಂದು ಹೇಳಿದೆ.
ಕ್ರೂಸ್ ಕ್ಷಪಣಿ ಉಡಾವಣೆ ಮೇಲೆ ದಕ್ಷಿಣ ಕೊರಿಯಾ ಹಾಗೂ ಅಮೆರಿಕದ ಮಿಲಿಟರಿ ಸೂಕ್ಷ್ಮವಾಗಿ ನಿಗಾ ವಹಿಸಿದೆ ಎಂದು ಅದು ಹೇಳಿದೆ.
ಅಮೆರಿಕ, ದಕ್ಷಿಣ ಕೊರಿಯಾ ಹಾಗೂ ಜಪಾನ್ನೊಂದಿಗೆ ಹೆಚ್ಚುತ್ತಿರುವ ಉದ್ವಿಗ್ನತೆಯ ನಡುವೆ ಉತ್ತರ ಕೊರಿಯಾದಿಂದ ಶಸ್ತ್ರಾಸ್ತ್ರ ಪ್ರದರ್ಶನಗಳ ಸರಣಿ ಮುಂದುವರಿದಿದೆ.
ಉತ್ತರ ಕೊರಿಯಾ, ಜಲಾಂತರ್ಗಾಮಿ ನೌಕೆಯಿಂದ ಉಡಾವಣೆ ಮಾಡಲು ವಿನ್ಯಾಸಗೊಳಿಸಲಾದ ಕ್ರೂಸ್ ಕ್ಷಿಪಣಿಗಳನ್ನು ಜನವರಿ 24 ಹಾಗೂ 28ರಂದು ಸಹ ಪರೀಕ್ಷೆ ನಡೆಸಿತ್ತು.