ವಾಷಿಂಗ್ಟನ್ (ಪಿಟಿಐ): ಸಿಖ್ರ ಹಕ್ಕುಗಳ ಸಂಘಟನೆಯೊಂದು ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರ ವಿರುದ್ಧ ಸಲ್ಲಿಸಿರುವ ದೂರಿನ ಬಗ್ಗೆ ನ್ಯಾಯಾಲಯ ಸೂಕ್ತ ನಿರ್ಧಾರ ಕೈಗೊಳ್ಳಲಿದೆ ಎಂದು ಭಾರತೀಯ ಮೂಲದ ಅಮೆರಿಕ ಅಟಾರ್ನಿ ರವಿ ಬಾತ್ರಾ ಹೇಳಿದ್ದಾರೆ.
`ಅಮೆರಿಕದಲ್ಲಿ ನ್ಯಾಯಾಲಯದ ಶುಲ್ಕ ಪಾವತಿಸಲು ಸಿದ್ಧರಿದ್ದರೆ, ಯಾರು ಬೇಕಿದ್ದರೂ, ಯಾರ ವಿರುದ್ಧವಾದರೂ, ಯಾವುದೇ ವಿಷಯಲ್ಲಾದರೂ ದಾವೆ ಹೂಡಬಹುದು. ಆದರೆ ಇದು ವೈಯಕ್ತಿಕವೇ ಅಥವಾ ಸಾರ್ವಜನಿಕ ಕಾಳಜಿಯದ್ದೇ ಎಂಬುದನ್ನು ನ್ಯಾಯಾಲಯ ನಿರ್ಧರಿಸುತ್ತದೆ' ಎಂದು ನ್ಯೂಯಾರ್ಕ್ನಲ್ಲಿ ನೆಲೆಸಿರುವ ಬಾತ್ರಾ ನುಡಿದಿದ್ದಾರೆ.