ಪಾಶ್ಚಿಮಾತ್ಯ ಪ್ರಭಾವ ಕೊನೆಯಾಗಲಿ: ರಷ್ಯಾ
ಮ್ಯೂನಿಚ್ (ಜರ್ಮನಿ) : ಜಾಗತಿಕ ಮಟ್ಟದಲ್ಲಿ ಪಾಶ್ಚಿಮಾತ್ಯರ ಪ್ರಭಾವವನ್ನು ಕೊನೆಗೊಳಿಸಬೇಕು ಎಂದು ರಷ್ಯಾ ಹೇಳಿದೆ.
‘ಪ್ರತಿಯೊಂದು ದೇಶ ತನ್ನದೇ ಆದ ಸಾರ್ವಭೌಮತ್ವ ಹೊಂದಿದೆ. ಪಾಶ್ಚಿಮಾತ್ಯ ಪ್ರಭಾವ ಕೊನೆಗೊಂಡು ಪ್ರಜಾಸತ್ತಾತ್ಮಕ ಮಾದರಿಯ ಜಗತ್ತು ನಿರ್ಮಾಣವಾಗುವ ಆಶಾವಾದ ಹೊಂದಿದ್ದೇನೆ’ ಎಂದು ರಷ್ಯಾದ ವಿದೇಶಾಂಗ ಸಚಿವ ಸೆರ್ಗೆಯಿ ಲಾವ್ರೊವ್ ಹೇಳಿದ್ದಾರೆ.
ನ್ಯಾಟೊ ಪಡೆಗಳಿಗೆ ಸಂಬಂಧಿಸಿ ತಮ್ಮ ನಿಲುವಿಗೆ ಬದ್ಧರಾಗಿರುವುದಾಗಿ ಅಮೆರಿಕದ ಉಪಾಧ್ಯಕ್ಷ ಮೈಕ್ ಪೆನ್ಸ್ ಮಿತ್ರರಾಷ್ಟ್ರಗಳಿಗೆ ವಾಗ್ದಾನ ಮಾಡಿದ ಬೆನ್ನಲ್ಲೇ ಸೆರ್ಗೆಯಿ ಈ ಹೇಳಿಕೆ ನೀಡಿದ್ದಾರೆ.
ನ್ಯಾಟೊ ಎಂಬುದು ಶೀತಲ ಸಮರದ ಒಂದು ಕುರುಹು ಎಂದೂ ಅವರು ಹೇಳಿದ್ದಾರೆ. ‘ರಷ್ಯಾವು ಅಮೆರಿಕದೊಂದಿಗೆ ಪರಸ್ಪರ ಗೌರವದ ಮತ್ತು ಜಾಗತಿಕ ಸ್ಥಿರತೆಗೆ ಪೂರಕವಾದ ಜವಾಬ್ದಾರಿಯುತ ಬಾಂಧವ್ಯ ಬಯಸುತ್ತದೆ. ಉಭಯ ರಾಷ್ಟ್ರಗಳ ನಡುವೆ ನೇರವಾದ ಸಂಘರ್ಷ ಇದ್ದಿರಲಿಲ್ಲ’ ಎಂದು ಅವರು ಹೇಳಿದ್ದಾರೆ.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.