<p><strong>ನ್ಯೂಯಾರ್ಕ್:</strong> ವೇಗಿ ಎನ್ರಿಚ್ ನಾಕಿಯ ಅವರ ಅಮೋಘ ದಾಳಿಯ ಬಲದಿಂದ ದಕ್ಷಿಣ ಆಫ್ರಿಕಾ ತಂಡವು ಸೋಮವಾರ ಇಲ್ಲಿ ನಡೆದ ಟಿ20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಶುಭಾರಂಭ ಮಾಡಿತು.</p>.<p>ನಾಸೌ ಕೌಂಟಿ ಅಂತರರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಸೋಮವಾರ ನಡೆದ ಡಿ ಗುಂಪಿನ ಪಂದ್ಯದಲ್ಲಿ ಟಾಸ್ ಗೆದ್ದ ಶ್ರೀಲಂಕಾ ತಂಡವು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು.</p><p>ಆದರೆ ನಾಯಕ ವನಿಂದು ಹಸರಂಗಾ ಅವರ ಲೆಕ್ಕಾಚಾರ ತಲೆಕೆಳಗಾಯಿತು. ದಕ್ಷಿಣ ಆಫ್ರಿಕಾ ತಂಡದ ನಾಕಿಯಾ (7ಕ್ಕೆ4) ದಾಳಿಯ ಮುಂದೆ ಶ್ರೀಲಂಕಾ 19.1 ಓವರ್ಗಳಲ್ಲಿ 77 ರನ್ ಗಳಿಸಿ ಆಲೌಟ್ ಆಯಿತು.</p><p>ಗುರಿ ಬೆನ್ನಟ್ಟಿದ್ದ ದಕ್ಷಿಣ ಆಫ್ರಿಕಾ ತಂಡವು 16.2 ಓವರ್ಗಳಲ್ಲಿ 4 ವಿಕೆಟ್ಗೆ 80 ರನ್ ಗಳಿಸಿತು. ಆರು ವಿಕೆಟ್ಗಳಿಂದ ಜಯಿಸಿತು. </p><p>ಅಲ್ಪಮೊತ್ತವನ್ನು ಬೆನ್ನಟ್ಟಿದ ದಕ್ಷಿಣ ಆಫ್ರಿಕಾ ತಂಡವು ಸುಲಭವಾಗಿ ಜಯಿಸಲು ಸಾಧ್ಯವಾಗಲಿಲ್ಲ. ಶ್ರೀಲಂಕಾದ ಬೌಲರ್ಗಳು ಸವಾಲೊಡ್ಡಿದರು.</p><p>ರೀಜಾ ಹೆಂಡ್ರಿಕ್ಸ್ (4), ಏಡನ್ ಮರ್ಕರಂ (12) ಮತ್ತು ಟ್ರಿಸ್ಟನ್ ಸ್ಟಬ್ಸ್ (13) ನಿರಾಸೆ ಮೂಡಿಸಿದರು.</p><p>ಆರಂಭಿಕ ಆಟಗಾರ ಕ್ವಿಂಟ್ನ ಡಿಕಾಕ್ (20, 27ಎ) ಹಾಗೂ ಮಧ್ಯಮ ಕ್ರಮಾಂಕದ ಹೆನ್ರಿಚ್ ಕ್ಲಾಸೆನ್ (ಅಜೇಯ 19, 22) ಅವರು ತಾಳ್ಮೆಯ ಆಟವಾಡಿ ಗೆಲುವಿಗೆ ಕಾಣಿಕೆ ನೀಡಿದರು. </p><p>ಲಂಕಾ ಬ್ಯಾಟಿಂಗ್ ವೈಫಲ್ಯ: ಇನಿಂಗ್ಸ್ ಆರಂಭಿಸಿದ ಲಂಕಾ ಬ್ಯಾಟಿಂಗ್ ಪಡೆ ಎಡವಿತು.</p><p> ನಾಲ್ಕನೇ ಓವರ್ನಲ್ಲಿ ಒಟನೀಲ್ ಬಾರ್ತ್ಮನ್ ಅವರ ದಾಳಿಯಲ್ಲಿ ಪಥುಮ ಸಿಸಾಂಕಾ (3 ರನ್) ಔಟಾದರು.</p><p>ಈ ಹಂತದಲ್ಲಿ ಕುಶಾಲ ಮೆಂಡಿಸ್ (19 ರನ್) ಮತ್ತು ಕಮಿಂದು ಮೆಂಡಿಸ್ (11 ರನ್) ಜೊತೆಗೂಡಿ ಬಲ ತುಂಬುವ ಪ್ರಯತ್ನ ಮಾಡಿದರು.</p><p>ಆದರೆ ಎಂಟನೇ ಓವರ್ನಲ್ಲಿ ಕಮಿಂದು ವಿಕೆಟ್ ಕಬಳಿಸಿದ ನಾಕಿಯಾ ಪೆಟ್ಟುಕೊಟ್ಟರು. ಇನ್ನೊಂದು ಬದಿಯಿಂದ ವೇಗಿ ಕಗಿಸೊ ರಬಾಡ ಕೂಡ ಮಧ್ಯಮ ಕ್ರಮಾಂಕದ ಬ್ಯಾಟರ್ಗಳ ಮೇಲೆ ಒತ್ತಡ ಹೇರಿದರು.</p><p>ಶ್ರೀಲಂಕಾ ನಾಯಕ ಹಸರಂಗಾ ಮತ್ತು ಸಮರವಿಕ್ರಮ ಅವರಿಬ್ಬರ ವಿಕೆಟ್ಗಳನ್ನೂ ಸ್ಪಿನ್ನರ್ ಕೇಶವ್ ಮಹಾರಾಜ್ ಗಳಿಸಿದರು. </p><p>ಇಬ್ಬರೂ ಬ್ಯಾಟರ್ಗಳಿಗೆ ಖಾತೆ ತೆರೆಯಲೂ ಸಾಧ್ಯವಾಗಲಿಲ್ಲ. ಇದು ತಂಡಕ್ಕೆ ಬಹಳ ದೊಡ್ಡ ಹಿನ್ನಡೆಯಾಯಿತು. </p><p>ತಂಡದ ಮೊತ್ತ ಹೆಚ್ಚಿಸುವ ಪ್ರಯತ್ನ ಮಾಡಿದ ಅನುಭವಿ ಆಟಗಾರ ಏಂಜೆಲೊ ಮ್ಯಾಥ್ಯೂಸ್ ಹಾಗೂ ಅಸಲಂಕಾ ಅವರ ವಿಕೆಟ್ಗಳನ್ನೂ ನಾಕಿಯ ಗಳಿಸಿದರು. ಇದರಿಂದಾಗಿ ತಂಡದ ಮೊತ್ತವು ಮೂರಂಕಿ ಮುಟ್ಟಲಿಲ್ಲ. </p><p>ಕುಶಾಲ, ಕಮಿಂದು ಮತ್ತು ಮ್ಯಾಥ್ಯೂಸ್ ಅವರು ಮಾತ್ರ ಎರಡಂಕಿ ಸ್ಕೋರ್ ಗಳಿಸಿದ ಬ್ಯಾಟರ್ಗಳು. </p><p>ಲಂಕಾ ಇನಿಂಗ್ಸ್ನಲ್ಲಿ ಮೂರು ಬೌಂಡರಿ ಹಾಗೂ ಮೂರು ಸಿಕ್ಸರ್ಗಳು ದಾಖಲಾದವು. </p><p>ಸಂಕ್ಷಿಪ್ತ ಸ್ಕೋರು: ಶ್ರೀಲಂಕಾ: 19.1 ಓವರ್ಗಳಲ್ಲಿ 77 (ಕುಶಾಲ ಮೆಂಡಿಸ್ 19, ಕಮಿಂದು ಮೆಂಡಿಸ್ 11, ಏಂಜೆಲೊ ಮ್ಯಾಥ್ಯೂಸ್ 16, ಕಗಿಸೊ ರಬಾಡ 21ಕ್ಕೆ2, ಕೇಶವ್ ಮಹಾರಾಜ 22ಕ್ಕೆ2, ಎನ್ರಿಚ್ ನಾಕಿಯಾ 7ಕ್ಕೆ4) </p><p><strong>ದಕ್ಷಿಣ ಆಫ್ರಿಕಾ:</strong> 16.2 ಓವರ್ಗಳಲ್ಲಿ 4 ವಿಕೆಟ್ಗೆ 80 (ಕ್ವಿಂಟನ್ ಡಿಕಾಕ್ 20, ಟ್ರಿಸ್ಟನ್ ಸ್ಟಬ್ಸ್ 13, ಹೆನ್ರಿಚ್ ಕ್ಲಾಸೆನ್ ಅಜೇಯ 19, ವನಿಂದು ಹಸರಂಗಾ 22ಕ್ಕೆ2, ದಾಸುನ್ ಶನಕಾ 6ಕ್ಕೆ1).</p><p><strong>ಪಂದ್ಯ ಶ್ರೇಷ್ಠ:</strong> ಎನ್ರಿಚ್ ನಾಕಿಯ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನ್ಯೂಯಾರ್ಕ್:</strong> ವೇಗಿ ಎನ್ರಿಚ್ ನಾಕಿಯ ಅವರ ಅಮೋಘ ದಾಳಿಯ ಬಲದಿಂದ ದಕ್ಷಿಣ ಆಫ್ರಿಕಾ ತಂಡವು ಸೋಮವಾರ ಇಲ್ಲಿ ನಡೆದ ಟಿ20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಶುಭಾರಂಭ ಮಾಡಿತು.</p>.<p>ನಾಸೌ ಕೌಂಟಿ ಅಂತರರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಸೋಮವಾರ ನಡೆದ ಡಿ ಗುಂಪಿನ ಪಂದ್ಯದಲ್ಲಿ ಟಾಸ್ ಗೆದ್ದ ಶ್ರೀಲಂಕಾ ತಂಡವು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು.</p><p>ಆದರೆ ನಾಯಕ ವನಿಂದು ಹಸರಂಗಾ ಅವರ ಲೆಕ್ಕಾಚಾರ ತಲೆಕೆಳಗಾಯಿತು. ದಕ್ಷಿಣ ಆಫ್ರಿಕಾ ತಂಡದ ನಾಕಿಯಾ (7ಕ್ಕೆ4) ದಾಳಿಯ ಮುಂದೆ ಶ್ರೀಲಂಕಾ 19.1 ಓವರ್ಗಳಲ್ಲಿ 77 ರನ್ ಗಳಿಸಿ ಆಲೌಟ್ ಆಯಿತು.</p><p>ಗುರಿ ಬೆನ್ನಟ್ಟಿದ್ದ ದಕ್ಷಿಣ ಆಫ್ರಿಕಾ ತಂಡವು 16.2 ಓವರ್ಗಳಲ್ಲಿ 4 ವಿಕೆಟ್ಗೆ 80 ರನ್ ಗಳಿಸಿತು. ಆರು ವಿಕೆಟ್ಗಳಿಂದ ಜಯಿಸಿತು. </p><p>ಅಲ್ಪಮೊತ್ತವನ್ನು ಬೆನ್ನಟ್ಟಿದ ದಕ್ಷಿಣ ಆಫ್ರಿಕಾ ತಂಡವು ಸುಲಭವಾಗಿ ಜಯಿಸಲು ಸಾಧ್ಯವಾಗಲಿಲ್ಲ. ಶ್ರೀಲಂಕಾದ ಬೌಲರ್ಗಳು ಸವಾಲೊಡ್ಡಿದರು.</p><p>ರೀಜಾ ಹೆಂಡ್ರಿಕ್ಸ್ (4), ಏಡನ್ ಮರ್ಕರಂ (12) ಮತ್ತು ಟ್ರಿಸ್ಟನ್ ಸ್ಟಬ್ಸ್ (13) ನಿರಾಸೆ ಮೂಡಿಸಿದರು.</p><p>ಆರಂಭಿಕ ಆಟಗಾರ ಕ್ವಿಂಟ್ನ ಡಿಕಾಕ್ (20, 27ಎ) ಹಾಗೂ ಮಧ್ಯಮ ಕ್ರಮಾಂಕದ ಹೆನ್ರಿಚ್ ಕ್ಲಾಸೆನ್ (ಅಜೇಯ 19, 22) ಅವರು ತಾಳ್ಮೆಯ ಆಟವಾಡಿ ಗೆಲುವಿಗೆ ಕಾಣಿಕೆ ನೀಡಿದರು. </p><p>ಲಂಕಾ ಬ್ಯಾಟಿಂಗ್ ವೈಫಲ್ಯ: ಇನಿಂಗ್ಸ್ ಆರಂಭಿಸಿದ ಲಂಕಾ ಬ್ಯಾಟಿಂಗ್ ಪಡೆ ಎಡವಿತು.</p><p> ನಾಲ್ಕನೇ ಓವರ್ನಲ್ಲಿ ಒಟನೀಲ್ ಬಾರ್ತ್ಮನ್ ಅವರ ದಾಳಿಯಲ್ಲಿ ಪಥುಮ ಸಿಸಾಂಕಾ (3 ರನ್) ಔಟಾದರು.</p><p>ಈ ಹಂತದಲ್ಲಿ ಕುಶಾಲ ಮೆಂಡಿಸ್ (19 ರನ್) ಮತ್ತು ಕಮಿಂದು ಮೆಂಡಿಸ್ (11 ರನ್) ಜೊತೆಗೂಡಿ ಬಲ ತುಂಬುವ ಪ್ರಯತ್ನ ಮಾಡಿದರು.</p><p>ಆದರೆ ಎಂಟನೇ ಓವರ್ನಲ್ಲಿ ಕಮಿಂದು ವಿಕೆಟ್ ಕಬಳಿಸಿದ ನಾಕಿಯಾ ಪೆಟ್ಟುಕೊಟ್ಟರು. ಇನ್ನೊಂದು ಬದಿಯಿಂದ ವೇಗಿ ಕಗಿಸೊ ರಬಾಡ ಕೂಡ ಮಧ್ಯಮ ಕ್ರಮಾಂಕದ ಬ್ಯಾಟರ್ಗಳ ಮೇಲೆ ಒತ್ತಡ ಹೇರಿದರು.</p><p>ಶ್ರೀಲಂಕಾ ನಾಯಕ ಹಸರಂಗಾ ಮತ್ತು ಸಮರವಿಕ್ರಮ ಅವರಿಬ್ಬರ ವಿಕೆಟ್ಗಳನ್ನೂ ಸ್ಪಿನ್ನರ್ ಕೇಶವ್ ಮಹಾರಾಜ್ ಗಳಿಸಿದರು. </p><p>ಇಬ್ಬರೂ ಬ್ಯಾಟರ್ಗಳಿಗೆ ಖಾತೆ ತೆರೆಯಲೂ ಸಾಧ್ಯವಾಗಲಿಲ್ಲ. ಇದು ತಂಡಕ್ಕೆ ಬಹಳ ದೊಡ್ಡ ಹಿನ್ನಡೆಯಾಯಿತು. </p><p>ತಂಡದ ಮೊತ್ತ ಹೆಚ್ಚಿಸುವ ಪ್ರಯತ್ನ ಮಾಡಿದ ಅನುಭವಿ ಆಟಗಾರ ಏಂಜೆಲೊ ಮ್ಯಾಥ್ಯೂಸ್ ಹಾಗೂ ಅಸಲಂಕಾ ಅವರ ವಿಕೆಟ್ಗಳನ್ನೂ ನಾಕಿಯ ಗಳಿಸಿದರು. ಇದರಿಂದಾಗಿ ತಂಡದ ಮೊತ್ತವು ಮೂರಂಕಿ ಮುಟ್ಟಲಿಲ್ಲ. </p><p>ಕುಶಾಲ, ಕಮಿಂದು ಮತ್ತು ಮ್ಯಾಥ್ಯೂಸ್ ಅವರು ಮಾತ್ರ ಎರಡಂಕಿ ಸ್ಕೋರ್ ಗಳಿಸಿದ ಬ್ಯಾಟರ್ಗಳು. </p><p>ಲಂಕಾ ಇನಿಂಗ್ಸ್ನಲ್ಲಿ ಮೂರು ಬೌಂಡರಿ ಹಾಗೂ ಮೂರು ಸಿಕ್ಸರ್ಗಳು ದಾಖಲಾದವು. </p><p>ಸಂಕ್ಷಿಪ್ತ ಸ್ಕೋರು: ಶ್ರೀಲಂಕಾ: 19.1 ಓವರ್ಗಳಲ್ಲಿ 77 (ಕುಶಾಲ ಮೆಂಡಿಸ್ 19, ಕಮಿಂದು ಮೆಂಡಿಸ್ 11, ಏಂಜೆಲೊ ಮ್ಯಾಥ್ಯೂಸ್ 16, ಕಗಿಸೊ ರಬಾಡ 21ಕ್ಕೆ2, ಕೇಶವ್ ಮಹಾರಾಜ 22ಕ್ಕೆ2, ಎನ್ರಿಚ್ ನಾಕಿಯಾ 7ಕ್ಕೆ4) </p><p><strong>ದಕ್ಷಿಣ ಆಫ್ರಿಕಾ:</strong> 16.2 ಓವರ್ಗಳಲ್ಲಿ 4 ವಿಕೆಟ್ಗೆ 80 (ಕ್ವಿಂಟನ್ ಡಿಕಾಕ್ 20, ಟ್ರಿಸ್ಟನ್ ಸ್ಟಬ್ಸ್ 13, ಹೆನ್ರಿಚ್ ಕ್ಲಾಸೆನ್ ಅಜೇಯ 19, ವನಿಂದು ಹಸರಂಗಾ 22ಕ್ಕೆ2, ದಾಸುನ್ ಶನಕಾ 6ಕ್ಕೆ1).</p><p><strong>ಪಂದ್ಯ ಶ್ರೇಷ್ಠ:</strong> ಎನ್ರಿಚ್ ನಾಕಿಯ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
