ಆರ್ಚ್ ಬಿಷಪ್ಗಳಾದ ಟೆಲೆಸ್ ಪೋರ್ ಟೋಪ್ಪೊ (ಪಟ್ನಾ ಆರ್ಚ್ಬಿಷಪ್), ಓಸ್ವಾಲ್ಡ್ ಗ್ರೇಷಿಯಸ್ (ಮುಂಬೈ ಆರ್ಚ್ಬಿಷಪ್), ಮಾರ್ ಜಾರ್ಜ್ ಆಲಂಚೇರಿ (ಸೀರೋ ಮಲಬಾರ್), ಮಾರ್ ಬೆಸೇಲಿಯೊಸ್ ಕ್ಲಿಮೀಸ್ (ಸೀರೋ ಮಲಂಕರ) ಮತ್ತು ಐವಾನ್ ಡಯಾಸ್ (ಮುಂಬೈ ಮಾಜಿ ಆರ್ಚ್ಬಿಷಪ್) ಸಭೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ಕೇರಳ ಕ್ಯಾಥಲಿಕ್ ಬಿಷಪ್ ಕೌನ್ಸಿಲ್ನ ಪ್ರಧಾನ ಕಾರ್ಯದರ್ಶಿ ಮತ್ತು ವಕ್ತಾರ ಸ್ಟೀಫನ್ ಆಲತ್ತರ ತಿಳಿಸಿದ್ದಾರೆ.
ವಿಶ್ವ ಕ್ಯಾಥಲಿಕ್ ಚರ್ಚ್ನ 206 ಕಾರ್ಡಿನಲ್ಗಳ ಪೈಕಿ, 117 ಮಂದಿ ಮಾತ್ರ ಪೋಪ್ ಆಯ್ಕೆ ವೇಳೆ ಮತ ಚಲಾಯಿಸುವ ಅರ್ಹತೆ ಹೊಂದಿದ್ದಾರೆ. ಈ ಪೈಕಿ ಭಾರತದಿಂದ ತೆರಳುತ್ತಿರುವ ಎಲ್ಲಾ ಐವರೂ ಮತದಾನದ ಅರ್ಹತೆ ಪಡೆದಿದ್ದಾರೆ. ಚರ್ಚ್ನ ಎರಡು ಸಹಸ್ರ ವರ್ಷಗಳ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಭಾರತದಿಂದ ಒಟ್ಟು ಐವರು ಕಾರ್ಡಿನಲ್ಗಳು ಮತದಾನ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ.