ಮನೆ ಕಟ್ಟಲು ನಿವೇಶನ ಹುಡುಕಿದ್ದಾಯಿತು. ಪ್ಲಾನ್ ಸಿದ್ಧವಾಯಿತು. ಮನೆ ಕಟ್ಟುವುದಕ್ಕೂ ಶುರು ಮಾಡಿದೆವು. ಆಗ ಪ್ರಾರಂಭವಾಯಿತು ನೋಡಿ ಮನೆಗೆ ಹೆಸರಿಡುವ ಸಮಸ್ಯೆ. ದೇವರ ಹೆಸರಿಡಲು ಮಕ್ಕಳಿಂದ ವಿರೋಧ. ಹಿರಿಯರ ಹೆಸರಿಡಲು, ಯಾರ ಹೆಸರು ಇಡುವುದು ಎಂಬ ವಿವಾದ.
ಆಧುನಿಕ ಹೆಸರಿನ ಬಗ್ಗೆ ಮಾವನವರಿಗೆ ಮುನಿಸು. ಮನೆ ಕಟ್ಟಿ ಮುಗಿದರೂ ಹೆಸರು ಸಿಗದೆ ಗೊಂದಲ. ಡ್ಯೂಪ್ಲೆಕ್ಸ್ ಮನೆಯಾಗಿದ್ದು ಗಾಳಿ ಬೆಳಕು ಧಾರಾಳವಾಗಿತ್ತು. ಹೊಸ ಮನೆಯ ಒಳಗೆ ಕಾಲಿಟ್ಟ ಕೂಡಲೆ ತಂಪಾದ ವಾತಾವರಣವಿತ್ತು. ಆಗ ಗೋಚರಿಸಿದ ಹೆಸರು ತಂಪು. ಎಲ್ಲರ ಮೆಚ್ಚುಗೆ ಗಳಿಸಿದ ನಮ್ಮ ಮನೆಯೀಗ ‘ತಂಪು’.
-ರಮಾ ಗೊವಿಂದರಾಜು, ಭೈರವೇಶ್ವರ ನಗರ
