ಒಂದರಿಂದ ಏಳನೆಯ ತರಗತಿಯವರೆಗಿನ (12 ವರ್ಷದವರೆಗೆ) ವಿದ್ಯಾರ್ಥಿಗಳಿಗೆ ಈ ಮೊದಲು ಇದ್ದ ಉಚಿತ ಪ್ರಯಾಣದ ವ್ಯವಸ್ಥೆಯನ್ನು ಮುಂದುವರಿಸುವುದೂ ಈ ತೀರ್ಮಾನದಲ್ಲಿ ಸೇರಿದೆ. ಪ್ರೌಢಶಾಲೆಯ ವಿದ್ಯಾರ್ಥಿಗಳಿಗೆ ತಿಂಗಳಿಗೆ ಐದು ರೂಪಾಯಿ ಇದ್ದ ಬಸ್ಪಾಸ್ ದರವನ್ನು ಹತ್ತು ರೂಪಾಯಿಗೆ ಹೆಚ್ಚಿಸಲಾಗಿದೆ. ಕಾಲೇಜು ವಿದ್ಯಾರ್ಥಿಗಳಿಗೆ ಮೊದಲ ಹತ್ತು ಕಿ.ಮೀ.ವರೆಗೆ ಇದ್ದ ಹತ್ತು ರೂಪಾಯಿ ದರವನ್ನು 15 ರೂಪಾಯಿಗೆ, 10ರಿಂದ 40 ಕಿ.ಮೀ ಪ್ರಯಾಣಕ್ಕೆ ಇದ್ದ 15 ರೂಪಾಯಿ ದರವನ್ನು 20 ರೂಪಾಯಿಗೆ ಹೆಚ್ಚಿಸಲಾಗಿದೆ.