<p>ರಸ್ತೆಯಲ್ಲಿ ನನ್ನನ್ನು ನೋಡುತ್ತಿದ್ದಂತೆ ಮಾಸ್ಕನ್ನು ಮುಖದ ತುಂಬಾ ಎಳೆದುಕೊಂಡು, ಕಣ್ತಪ್ಪಿಸಿ ಹೋಗಲೆತ್ನಿಸುತ್ತಿದ್ದ ಗೆಳೆಯನನ್ನು ಹಿಡಿದು ನಿಲ್ಲಿಸಿ ಕೇಳಿದೆ- ‘ನನ್ನ ಕೋವಿಡ್ ಟೆಸ್ಟ್ ನೆಗೆಟಿವ್ ಬಂತು ಕಣಯ್ಯ, ಹೆದ್ರುಕೋಬೇಡ... ಕುದುರೆ ಮೇಲೆ ಕೂತಂತಿದೆ, ಎಲ್ಲಿಗೆ ಪಾದ ಬೆಳೆಸ್ತಿದೆ ಸವಾರಿ?’</p>.<p>‘ಅಪಶಕುನ, ಒಳ್ಳೆ ಕೆಲಸಕ್ಕೆ ಹೋಗೋವಾಗ ಎಲ್ಲಿಗೇಂತ ಕೇಳ್ತಾರೇನೋ?’ ಎನ್ನುತ್ತಾ ರಾಂಗ್ ಆದ.</p>.<p>‘ಸಾರಿ ಕಣಯ್ಯ, ಆದ್ರೆ ನೀನು ಒಳ್ಳೇ ಕೆಲಸಕ್ಕೆ ಹೋಗ್ತಿದ್ದೀಯ ಅನ್ನೋದೇನು ನಿನ್ನ ಮುಖದ ಮೇಲೆ ಬರೆದಿದೆಯೇ? ಏನೋ ಅಂಥ ಘನಂದಾರಿ ಕೆಲ್ಸ?’</p>.<p>‘ಮುಂದಿನ ವಾರ ಗ್ರ್ಯಾಜುಯೇಟ್ ಕ್ಷೇತ್ರದ ಎಂಎಲ್ಸಿ ಚುನಾವಣೆಯಲ್ವೇ? ನಮ್ಮ ಕ್ಯಾಂಡಿಡೇಟ್ ಬಂದಿದಾರೆ. ಗಣಪತಿ ಗುಡೀಲಿ ಪೂಜೆ ಮುಗಿಸ್ಕೊಂಡು ಮತದಾರರ ಭೇಟಿಗೆ ಹೋಗ್ಬೇಕು’.</p>.<p>‘ಅವರು ಕೌನ್ಸಿಲ್ಗೆ ನಾಮಕರಣ ಮಾಡಿಸಿಕೊಳ್ತಾರೇಂತ ಹೇಳ್ತಿದ್ದೆಯಲ್ಲೋ’.</p>.<p>‘ಆಗಲಿಲ್ಲವಂತೆ, ಆಗದಿದ್ದೇ ಒಳ್ಳೇದಾಯ್ತು. ನೋಡು, ಹಕ್ಕಿಹಳ್ಳಿ ಲೋಕೇಶಣ್ಣ ನಾಮಕರಣ ಎಂಎಲ್ಸಿ ಆಗಿ ಏನು ಖುಷಿಯಾಗಿದಾರೆ!’</p>.<p>‘ನಿಮ್ಮ ಚುನಾವಣಾ ಪ್ರಣಾಳಿಕೆ ಏನಯ್ಯಾ?’</p>.<p>‘ನಿರುದ್ಯೋಗಿ ಪದವೀಧರರಿಗೆ ಭತ್ಯೆ, ಕೋವಿಡ್ ಲಸಿಕೆ ಉಚಿತ ವಿತರಣೆ’.</p>.<p>‘ಬಿಹಾರ ಚುನಾವಣೆಯ ಕಮಲ ಪಕ್ಷದ ಪ್ರಣಾಳಿಕೆ ಕಾಪಿ ಹೊಡ್ದಿದ್ದೀರಿ... ಇವೆಲ್ಲ ಚುನಾವಣೆ ನಂತ್ರ. ಅದ್ಕೂ ಮೊದ್ಲು ಏನಾದರೂ ವಿಶೇಷವಾದ್ದು, ಅಮೆರಿಕ ಚುನಾವಣೇಲಿ ಭಾರತೀಯ ಮೂಲದ ಉಪಾಧ್ಯಕ್ಷ ಅಭ್ಯರ್ಥಿ ಕಮಲಾ ಹ್ಯಾರಿಸ್ ಮಾಡಿದಂತೆ ಮಾಡೋದಲ್ವೇ?’</p>.<p>‘ಅವರು ಏನ್ ಮಾಡಿದಾರಯ್ಯಾ?’</p>.<p>‘ಮತದಾರರನ್ನ ಓಲೈಸೋಕೆ ಮಳೇಲಿ ರೈನ್ ಡ್ಯಾನ್ಸ್ ಮಾಡಿದಾರೆ!’</p>.<p>‘ನಮ್ಮ ಮತದಾರರು ಇಂಥದ್ದಕ್ಕೆಲ್ಲ ಮರುಳಾಗ್ತಾರಾ?! ಅವ್ರನ್ನ ಓಲೈಸೋಕೆ ಇಲ್ಲಿದೆ ನೋಡು ಸ್ಯಾಂಪಲ್ಲು...’</p>.<p>ಅವನು ಪ್ಯಾಂಟಿನ ಒಂದು ಜೇಬಿನಿಂದ ಬೆಳ್ಳಿಬಾರ್ಡರ್ ಮಾಸ್ಕನ್ನು, ಇನ್ನೊಂದರಿಂದ ಕುಂಕುಮದ ಭರಣಿಯನ್ನು ತೆಗೆದು ತೋರಿದಾಗ, ನನ್ನ ತೆರೆದ ಬಾಯಿ ಮುಚ್ಚಿಕೊಳ್ಳಲಿಲ್ಲ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ರಸ್ತೆಯಲ್ಲಿ ನನ್ನನ್ನು ನೋಡುತ್ತಿದ್ದಂತೆ ಮಾಸ್ಕನ್ನು ಮುಖದ ತುಂಬಾ ಎಳೆದುಕೊಂಡು, ಕಣ್ತಪ್ಪಿಸಿ ಹೋಗಲೆತ್ನಿಸುತ್ತಿದ್ದ ಗೆಳೆಯನನ್ನು ಹಿಡಿದು ನಿಲ್ಲಿಸಿ ಕೇಳಿದೆ- ‘ನನ್ನ ಕೋವಿಡ್ ಟೆಸ್ಟ್ ನೆಗೆಟಿವ್ ಬಂತು ಕಣಯ್ಯ, ಹೆದ್ರುಕೋಬೇಡ... ಕುದುರೆ ಮೇಲೆ ಕೂತಂತಿದೆ, ಎಲ್ಲಿಗೆ ಪಾದ ಬೆಳೆಸ್ತಿದೆ ಸವಾರಿ?’</p>.<p>‘ಅಪಶಕುನ, ಒಳ್ಳೆ ಕೆಲಸಕ್ಕೆ ಹೋಗೋವಾಗ ಎಲ್ಲಿಗೇಂತ ಕೇಳ್ತಾರೇನೋ?’ ಎನ್ನುತ್ತಾ ರಾಂಗ್ ಆದ.</p>.<p>‘ಸಾರಿ ಕಣಯ್ಯ, ಆದ್ರೆ ನೀನು ಒಳ್ಳೇ ಕೆಲಸಕ್ಕೆ ಹೋಗ್ತಿದ್ದೀಯ ಅನ್ನೋದೇನು ನಿನ್ನ ಮುಖದ ಮೇಲೆ ಬರೆದಿದೆಯೇ? ಏನೋ ಅಂಥ ಘನಂದಾರಿ ಕೆಲ್ಸ?’</p>.<p>‘ಮುಂದಿನ ವಾರ ಗ್ರ್ಯಾಜುಯೇಟ್ ಕ್ಷೇತ್ರದ ಎಂಎಲ್ಸಿ ಚುನಾವಣೆಯಲ್ವೇ? ನಮ್ಮ ಕ್ಯಾಂಡಿಡೇಟ್ ಬಂದಿದಾರೆ. ಗಣಪತಿ ಗುಡೀಲಿ ಪೂಜೆ ಮುಗಿಸ್ಕೊಂಡು ಮತದಾರರ ಭೇಟಿಗೆ ಹೋಗ್ಬೇಕು’.</p>.<p>‘ಅವರು ಕೌನ್ಸಿಲ್ಗೆ ನಾಮಕರಣ ಮಾಡಿಸಿಕೊಳ್ತಾರೇಂತ ಹೇಳ್ತಿದ್ದೆಯಲ್ಲೋ’.</p>.<p>‘ಆಗಲಿಲ್ಲವಂತೆ, ಆಗದಿದ್ದೇ ಒಳ್ಳೇದಾಯ್ತು. ನೋಡು, ಹಕ್ಕಿಹಳ್ಳಿ ಲೋಕೇಶಣ್ಣ ನಾಮಕರಣ ಎಂಎಲ್ಸಿ ಆಗಿ ಏನು ಖುಷಿಯಾಗಿದಾರೆ!’</p>.<p>‘ನಿಮ್ಮ ಚುನಾವಣಾ ಪ್ರಣಾಳಿಕೆ ಏನಯ್ಯಾ?’</p>.<p>‘ನಿರುದ್ಯೋಗಿ ಪದವೀಧರರಿಗೆ ಭತ್ಯೆ, ಕೋವಿಡ್ ಲಸಿಕೆ ಉಚಿತ ವಿತರಣೆ’.</p>.<p>‘ಬಿಹಾರ ಚುನಾವಣೆಯ ಕಮಲ ಪಕ್ಷದ ಪ್ರಣಾಳಿಕೆ ಕಾಪಿ ಹೊಡ್ದಿದ್ದೀರಿ... ಇವೆಲ್ಲ ಚುನಾವಣೆ ನಂತ್ರ. ಅದ್ಕೂ ಮೊದ್ಲು ಏನಾದರೂ ವಿಶೇಷವಾದ್ದು, ಅಮೆರಿಕ ಚುನಾವಣೇಲಿ ಭಾರತೀಯ ಮೂಲದ ಉಪಾಧ್ಯಕ್ಷ ಅಭ್ಯರ್ಥಿ ಕಮಲಾ ಹ್ಯಾರಿಸ್ ಮಾಡಿದಂತೆ ಮಾಡೋದಲ್ವೇ?’</p>.<p>‘ಅವರು ಏನ್ ಮಾಡಿದಾರಯ್ಯಾ?’</p>.<p>‘ಮತದಾರರನ್ನ ಓಲೈಸೋಕೆ ಮಳೇಲಿ ರೈನ್ ಡ್ಯಾನ್ಸ್ ಮಾಡಿದಾರೆ!’</p>.<p>‘ನಮ್ಮ ಮತದಾರರು ಇಂಥದ್ದಕ್ಕೆಲ್ಲ ಮರುಳಾಗ್ತಾರಾ?! ಅವ್ರನ್ನ ಓಲೈಸೋಕೆ ಇಲ್ಲಿದೆ ನೋಡು ಸ್ಯಾಂಪಲ್ಲು...’</p>.<p>ಅವನು ಪ್ಯಾಂಟಿನ ಒಂದು ಜೇಬಿನಿಂದ ಬೆಳ್ಳಿಬಾರ್ಡರ್ ಮಾಸ್ಕನ್ನು, ಇನ್ನೊಂದರಿಂದ ಕುಂಕುಮದ ಭರಣಿಯನ್ನು ತೆಗೆದು ತೋರಿದಾಗ, ನನ್ನ ತೆರೆದ ಬಾಯಿ ಮುಚ್ಚಿಕೊಳ್ಳಲಿಲ್ಲ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
