‘ಅಲ್ಲಲೇ... ನಿಮ್ಮ ಮೋದಿಮಾಮ, ದೇಹತೂಕ 75 ಕೆ.ಜಿಗಿಂತ ಹೆಚ್ಚಾಗಬಾರದು ಅಂತ ದಿನಾ ಯೋಗ ಮಾಡತಾನಂತ. ಮತ್ತ 112 ಕೆ.ಜಿ ತಾವರೆ ಮೊಗ್ಗು ಎದಕ್ಕ ತರಿಸಿದ್ದರಂತೆ’ ಕೇಳಿದೆ. ‘ಅಷ್ಟೂ ಗೊತ್ತಿಲ್ಲೇನ್... ಈಗ ಅವ್ರು ಮೋದಿ 2.0 ವರ್ಷನ್, ಮಾಲ್ಡೀವ್ಸ್ ಸರ್ಕಾರನೂ ಪ್ರಶಸ್ತಿ ಕೊಟ್ಟೇದ. ಅದಕ್ಕ ತೂಕ ಹೆಚ್ಚಾಗೇತಿ. ಅದ್ಸರಿ... ಹೂವು, ಹಣ್ಣು, ನಾಣ್ಯ ಹಿಂತಾದ್ರಗನೇ ಎದಕ್ಕ ತುಲಾಭಾರ ಮಾಡ್ತಾರ... ರೈತರ ಆತ್ಮಹತ್ಯೆ, ನೀರಿನ ಕೊರತೆ ಹಿಂತಾ ಎಲ್ಲ ಸಮಸ್ಯೆ ಪಟ್ಟಿನ ತುಲಾಭಾರಕ್ಕೆ ಎದಕ್ಕೆ ಹಾಕಂಗಿಲ್ಲ’ ಬೆಕ್ಕಣ್ಣ ಕೇಳಿತು. ‘ಅಲ್ಲೇ ನಿನ್ ಮೋದಿಮಾಮಾಗ ಕೇಳೂದಿತ್ತು’ ಎಂದು ಮೂತಿಗೆ ತಿವಿದೆ.