<p>ಕುಟುಂಬದ ಏಳಿಗೆಗೆ ಯಾರ ಕೊಡುಗೆ ಎಷ್ಟಿದೆ ಎಂಬ ಬಗ್ಗೆ ನನ್ನ ಮತ್ತು ಹೆಂಡತಿ ನಡುವೆ ವಾಗ್ವಾದ ಶುರುವಾಯಿತು. </p><p>‘ಯಾರಿಗ್ ಏನೇ ಆದರೂ ನಾನು ಮಾತ್ರ ಈ ಮನೆಯಲ್ಲಿ ಗಟ್ಟಿಯಾಗಿ ಇರಬೇಕು. ಹಗಲು– ರಾತ್ರಿ ನಾನು ಬಂಡೆಯಂತೆ ಕೆಲಸ ಮಾಡ್ತಿದೀನಿಲ್ಲಿ’ ವಾದ ಮಂಡಿಸಿದಳು ಮಡದಿ. </p><p>‘ಬಂಡೆ–ಗಿಂಡೆ ಎಂಬೆಲ್ಲ ಪದಗಳನ್ನ ಬಳಸಬೇಡ, ನನಗೆ ಬೇರೆಯವರು ನೆನಪಾಗ್ತಾರೆ’ ವಾದದಲ್ಲಿಯೂ ವಿನೋದ ತುರುಕಲು ನೋಡಿದೆ. </p><p>ಹೆಂಡತಿಗೆ ತಕ್ಷಣಕ್ಕೆ ಅರ್ಥವಾಗದಿದ್ದರೂ, ‘ಹೀಗೆ, ಚಿತ್ರ–ವಿಚಿತ್ರವಾಗಿ ಮಾತನಾಡೋದಷ್ಟೇ ಗೊತ್ತು ನಿಮಗೆ. ನನ್ನಂಥ ಸೋಷಿಯಲಿಸ್ಟ್– ಸೆಕ್ಯುಲರಿಸ್ಟ್ ಮನೋಭಾವದಳು ಈ ಏರಿಯಾದಲ್ಲಿಯೇಯಾರೂ ಇಲ್ಲ. ಬೇಕಾದರೆ ಅಕ್ಕ–ಪಕ್ಕದ ಮನೆಯವರನ್ನ ಕೇಳಿನೋಡಿ’.</p><p>‘ಆ ಪದಗಳನ್ನೂ ಬಳಸಬೇಡ, ನನಗೆ ಮತ್ತೊಬ್ಬರು ನೆನಪಾಗ್ತಾರೆ’ ಬಾಳೆಹಣ್ಣು ತಿನ್ನುತ್ತಾ ಹೇಳಿದೆ. ‘ನಾನು ಒಂದಿನ ಮನೆಯಲ್ಲಿ ಅಡುಗೆ ಮಾಡಿಡದೆ ಹೋದರೆ ನಿಮ್ಮ ಮಕ್ಕಳು ಕಿತ್ತಾಡಿ, ದೊಡ್ಡ ಕ್ರಾಂತಿಯನ್ನೇ ಮಾಡಿರ್ತಾರೆ ಗೊತ್ತಾ’ ನನ್ನ ಮೇಲಿನ ಕೋಪ ಮಕ್ಕಳತ್ತ ತಿರುಗಿತು. </p><p>‘ಕ್ರಾಂತಿ–ಗೀಂತಿ ಅನ್ನಬೇಡ ಮಾರಾಯ್ತಿ. ಯಾರು ಯಾರಿಗೋ ಏನೇನೋ ನೆನಪಾಗಿ ನ್ಯೂಸ್ ಚಾನಲ್ಗಳವರೆಲ್ಲ ಫುಲ್ ಬ್ಯುಸಿ ಆಗೋ ಥರ ಆದೀತು…’ ನಗುತ್ತಾ ಮುಂದುವರಿದು ಹೇಳಿದೆ: ‘ನಿನ್ನ ರೀತಿ ನಾನು ಅದನ್ನು ಮಾಡಿದೆ, ಇದನ್ನು ಮಾಡಿದೆ ಅಂತ ಹೇಳಲ್ಲ. ನನ್ನದೇನಿದ್ದರೂ ಮನ್ ಕಿ ಬಾತ್. ಅಂದ್ರೆ ಮನಸಲ್ಲೇ ಹೇಳ್ಕೊಂಡು ಸುಮ್ಮನಾಗ್ತೀನಿ’.</p><p>‘ಅಂಥ ಒನ್ ವೇಗಳೆಲ್ಲ ನನ್ನ ಹತ್ತಿರ ನಡೆಯಲ್ಲ. ಈ ಮನೆಗೆ ನಾನೇ ಹೈಕಮಾಂಡ್. ಇಲ್ಲಿ ನನ್ನ ಮಾತೇ ಶಾಸನ’.</p><p>ನಾನು ವಾದದಲ್ಲಿ ಸೋಲ್ತಿದಿನೇನೋ ಅನಿಸತೊಡಗಿತು. ರೊಚ್ಚಿಗೆದ್ದು ಹೇಳಿದೆ, ‘ನೀನು ಹೈಕಮಾಂಡ್ ಆದರೆ, ನಾನು ಸಿಎಂ ಇದ್ದಂಗೆ’.</p><p>ಜೋರಾಗಿ ನಕ್ಕ ಹೆಂಡತಿ, ‘ಅದೇನಂತ ಮಾತಾಡ್ತೀರ್ರೀ… ಸಿಎಂಗಿಂತ ಹೈಕಮಾಂಡ್ ದೊಡ್ಡದಲ್ವ?’ ಎಂದಳು. </p><p>‘ಎಲ್ಲದಕ್ಕೂ ಕಾಲವೇ ಉತ್ತರ ಕೊಡಲಿದೆ’ ಎಂದು ವೇದಾಂತಿಯಂತೆ ಹೇಳಿ ಹೊರಗಡಿಯಿಟ್ಟೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕುಟುಂಬದ ಏಳಿಗೆಗೆ ಯಾರ ಕೊಡುಗೆ ಎಷ್ಟಿದೆ ಎಂಬ ಬಗ್ಗೆ ನನ್ನ ಮತ್ತು ಹೆಂಡತಿ ನಡುವೆ ವಾಗ್ವಾದ ಶುರುವಾಯಿತು. </p><p>‘ಯಾರಿಗ್ ಏನೇ ಆದರೂ ನಾನು ಮಾತ್ರ ಈ ಮನೆಯಲ್ಲಿ ಗಟ್ಟಿಯಾಗಿ ಇರಬೇಕು. ಹಗಲು– ರಾತ್ರಿ ನಾನು ಬಂಡೆಯಂತೆ ಕೆಲಸ ಮಾಡ್ತಿದೀನಿಲ್ಲಿ’ ವಾದ ಮಂಡಿಸಿದಳು ಮಡದಿ. </p><p>‘ಬಂಡೆ–ಗಿಂಡೆ ಎಂಬೆಲ್ಲ ಪದಗಳನ್ನ ಬಳಸಬೇಡ, ನನಗೆ ಬೇರೆಯವರು ನೆನಪಾಗ್ತಾರೆ’ ವಾದದಲ್ಲಿಯೂ ವಿನೋದ ತುರುಕಲು ನೋಡಿದೆ. </p><p>ಹೆಂಡತಿಗೆ ತಕ್ಷಣಕ್ಕೆ ಅರ್ಥವಾಗದಿದ್ದರೂ, ‘ಹೀಗೆ, ಚಿತ್ರ–ವಿಚಿತ್ರವಾಗಿ ಮಾತನಾಡೋದಷ್ಟೇ ಗೊತ್ತು ನಿಮಗೆ. ನನ್ನಂಥ ಸೋಷಿಯಲಿಸ್ಟ್– ಸೆಕ್ಯುಲರಿಸ್ಟ್ ಮನೋಭಾವದಳು ಈ ಏರಿಯಾದಲ್ಲಿಯೇಯಾರೂ ಇಲ್ಲ. ಬೇಕಾದರೆ ಅಕ್ಕ–ಪಕ್ಕದ ಮನೆಯವರನ್ನ ಕೇಳಿನೋಡಿ’.</p><p>‘ಆ ಪದಗಳನ್ನೂ ಬಳಸಬೇಡ, ನನಗೆ ಮತ್ತೊಬ್ಬರು ನೆನಪಾಗ್ತಾರೆ’ ಬಾಳೆಹಣ್ಣು ತಿನ್ನುತ್ತಾ ಹೇಳಿದೆ. ‘ನಾನು ಒಂದಿನ ಮನೆಯಲ್ಲಿ ಅಡುಗೆ ಮಾಡಿಡದೆ ಹೋದರೆ ನಿಮ್ಮ ಮಕ್ಕಳು ಕಿತ್ತಾಡಿ, ದೊಡ್ಡ ಕ್ರಾಂತಿಯನ್ನೇ ಮಾಡಿರ್ತಾರೆ ಗೊತ್ತಾ’ ನನ್ನ ಮೇಲಿನ ಕೋಪ ಮಕ್ಕಳತ್ತ ತಿರುಗಿತು. </p><p>‘ಕ್ರಾಂತಿ–ಗೀಂತಿ ಅನ್ನಬೇಡ ಮಾರಾಯ್ತಿ. ಯಾರು ಯಾರಿಗೋ ಏನೇನೋ ನೆನಪಾಗಿ ನ್ಯೂಸ್ ಚಾನಲ್ಗಳವರೆಲ್ಲ ಫುಲ್ ಬ್ಯುಸಿ ಆಗೋ ಥರ ಆದೀತು…’ ನಗುತ್ತಾ ಮುಂದುವರಿದು ಹೇಳಿದೆ: ‘ನಿನ್ನ ರೀತಿ ನಾನು ಅದನ್ನು ಮಾಡಿದೆ, ಇದನ್ನು ಮಾಡಿದೆ ಅಂತ ಹೇಳಲ್ಲ. ನನ್ನದೇನಿದ್ದರೂ ಮನ್ ಕಿ ಬಾತ್. ಅಂದ್ರೆ ಮನಸಲ್ಲೇ ಹೇಳ್ಕೊಂಡು ಸುಮ್ಮನಾಗ್ತೀನಿ’.</p><p>‘ಅಂಥ ಒನ್ ವೇಗಳೆಲ್ಲ ನನ್ನ ಹತ್ತಿರ ನಡೆಯಲ್ಲ. ಈ ಮನೆಗೆ ನಾನೇ ಹೈಕಮಾಂಡ್. ಇಲ್ಲಿ ನನ್ನ ಮಾತೇ ಶಾಸನ’.</p><p>ನಾನು ವಾದದಲ್ಲಿ ಸೋಲ್ತಿದಿನೇನೋ ಅನಿಸತೊಡಗಿತು. ರೊಚ್ಚಿಗೆದ್ದು ಹೇಳಿದೆ, ‘ನೀನು ಹೈಕಮಾಂಡ್ ಆದರೆ, ನಾನು ಸಿಎಂ ಇದ್ದಂಗೆ’.</p><p>ಜೋರಾಗಿ ನಕ್ಕ ಹೆಂಡತಿ, ‘ಅದೇನಂತ ಮಾತಾಡ್ತೀರ್ರೀ… ಸಿಎಂಗಿಂತ ಹೈಕಮಾಂಡ್ ದೊಡ್ಡದಲ್ವ?’ ಎಂದಳು. </p><p>‘ಎಲ್ಲದಕ್ಕೂ ಕಾಲವೇ ಉತ್ತರ ಕೊಡಲಿದೆ’ ಎಂದು ವೇದಾಂತಿಯಂತೆ ಹೇಳಿ ಹೊರಗಡಿಯಿಟ್ಟೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
