<p>ರಾಜಾಹುಲಿ ಕನಸಿನಲ್ಲಿ ವೃದ್ಧರೊಬ್ಬರು ಕೋಲೂರಿಕೊಂಡು ಬಂದು ‘ನಮಸ್ಕಾರ, ಹೇಗಿದ್ದೀರಿ’ ಎಂದು ಪ್ರಶ್ನಿಸಿದರು.</p>.<p>‘ನೋಡಿದ್ರೆ ಗೊತ್ತಾಗಲ್ವ? ತಲೆ ಕೆಡಿಸ್ಕಂಡ್ ಕೂತಿದೀನಿ. ಹದಿನೈದು ದಿನ ಆಯ್ತು ನಿದ್ದೆ ಮಾಡಿ...’ ರಾಜಾಹುಲಿ ರೇಗಿದರು.</p>.<p>‘ಸಮಾಧಾನ ಮಾಡ್ಕೊಳ್ಳಿ. ಸಂಪುಟ ಸಂಕಟ ನಿವಾರಣೆ ಆಯ್ತಲ್ಲ? ಮತ್ತೇನು?’</p>.<p>‘ಎಲ್ಲಿ ನಿವಾರಣೆ ಆಗಿದೆ? ಮೂಲ ಬಿಜೆಪಿಗರು ಕೊತಕೊತ ಅಂತಿದಾರೆ. ಜೊತೆಗೆ ಖಾತೆ ಕ್ಯಾತೆ ಬೇರೆ ಶುರುವಾಗಿದೆ. ನನಗೆ ನೆಮ್ಮದಿ ಬೇಡ್ವಾ?’</p>.<p>‘ಬೇಕು, ಆದ್ರೆ ಅದು ಹೊರಗಡೆ ಸಿಗೋದಲ್ಲ. ನೀವು ಕಂಡುಕೋಬೇಕು. ಎಲ್ಲ ಭಾರ ವರಿಷ್ಠರ ಮೇಲೆ ಹಾಕಿ. ಇಲ್ಲ, ತಿಂಗಳಿಗೊಂದ್ಸಲ ಖಾತೆ ಚೇಂಜ್ ಮಾಡಿ. ಎಲ್ಲರೂ ಎಲ್ಲ ಖಾತೆನೂ ಅನುಭವಿಸಲಿ...’</p>.<p>‘ಏನು? ತಿಂಗಳಿಗೊಂದ್ಸಲ ಖಾತೆ ಚೇಂಜ್ ಮಾಡೋಕಾಗುತ್ತಾ? ನೀವೊಳ್ಳೆ...’</p>.<p>‘ಇಲ್ಲಾಂದ್ರೆ ಮೂರು ತಿಂಗಳಿಗೊಂದ್ಸಲ ಮಂತ್ರಿಗಳನ್ನೇ ಚೇಂಜ್ ಮಾಡಿ. ಮೂಲ, ವಲಸಿಗ ಎಲ್ಲರೂ ಮಂತ್ರಿಗಳಾಗ್ಲಿ. ನಿಮಗೆ ತಲೆನೋವು ತಪ್ಪುತ್ತೆ...’</p>.<p>‘ಯಾಕೆ? ಆರು ತಿಂಗಳಿಗೊಂದ್ಸಲ ಮುಖ್ಯಮಂತ್ರಿನೇ ಚೇಂಜ್ ಮಾಡಿದ್ರೆ ಹೆಂಗೆ?’</p>.<p>‘ಅದೂ ಆಗಬಹುದು. ಎಲ್ಲವನ್ನೂ ವರಿಷ್ಠರೇ ನಿರ್ಧರಿಸೋದ್ರಿಂದ ಮುಖ್ಯಮಂತ್ರಿ ಯಾರಾದ್ರೇನು? ಮುಖ್ಯಮಂತ್ರಿ ಸ್ಥಾನ ಸಿಗುತ್ತೆ ಅಂದ್ರೆ ನಿಮ್ಮ ಮಾನಸಪುತ್ರ ಹೊನ್ನಾಳಿ ಸ್ಟಾರ್ ಕೂಡ ಒಂದು ಕೈ ನೋಡೇ ಬಿಡ್ತಾರೇನೋ...’</p>.<p>‘ಅವರ ಹೆಸರೆತ್ತಬೇಡಿ ನನ್ನ ಮುಂದೆ. ಏನ್ ತಮಾಷೆ ಮಾಡ್ತಿದೀರಾ? ಅಷ್ಟಕ್ಕೂ ಯಾರು ನೀವು? ಏನಾಗಬೇಕು ನಿಮಗೆ?’ ರಾಜಾಹುಲಿ ಕಿಡಿಕಿಡಿಯಾದರು.</p>.<p>‘ಕೋಪ ಬೇಡ, ನನ್ನ ಬಗ್ಗೆ ನಿಮ್ಮ ಪಕ್ಷದ ನಾಯಕರೊಬ್ಬರು ಬಾಯಿಗೆ ಬಂದ ಹಾಗೆ ಮಾತಾಡ್ತಿದಾರೆ. ಅವರನ್ನ ಹದ್ದುಬಸ್ತಿನಲ್ಲಿಡಿ ಅಂತ ಹೇಳೋಕೆ ಬಂದಿದ್ದೆ. ಪರವಾಗಿಲ್ಲ, ನಾನು ಬರ್ತೀನಿ...’ ವೃದ್ಧರು ಹೊರಡಲು ಮುಂದಾದರು.</p>.<p>‘ನಿಲ್ಲಿ, ಯಾರು ನೀವು? ನಿಮ್ಮ ಹೆಸರೇನು?’</p>.<p>‘ನಾನು ಮೋಹನದಾಸ ಕರಮಚಂದ ಗಾಂಧಿ. ಎಲ್ರೂ ನನ್ನ ಮಹಾತ್ಮ ಗಾಂಧಿ ಅಂತ ಕರೀತಾರೆ!’</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ರಾಜಾಹುಲಿ ಕನಸಿನಲ್ಲಿ ವೃದ್ಧರೊಬ್ಬರು ಕೋಲೂರಿಕೊಂಡು ಬಂದು ‘ನಮಸ್ಕಾರ, ಹೇಗಿದ್ದೀರಿ’ ಎಂದು ಪ್ರಶ್ನಿಸಿದರು.</p>.<p>‘ನೋಡಿದ್ರೆ ಗೊತ್ತಾಗಲ್ವ? ತಲೆ ಕೆಡಿಸ್ಕಂಡ್ ಕೂತಿದೀನಿ. ಹದಿನೈದು ದಿನ ಆಯ್ತು ನಿದ್ದೆ ಮಾಡಿ...’ ರಾಜಾಹುಲಿ ರೇಗಿದರು.</p>.<p>‘ಸಮಾಧಾನ ಮಾಡ್ಕೊಳ್ಳಿ. ಸಂಪುಟ ಸಂಕಟ ನಿವಾರಣೆ ಆಯ್ತಲ್ಲ? ಮತ್ತೇನು?’</p>.<p>‘ಎಲ್ಲಿ ನಿವಾರಣೆ ಆಗಿದೆ? ಮೂಲ ಬಿಜೆಪಿಗರು ಕೊತಕೊತ ಅಂತಿದಾರೆ. ಜೊತೆಗೆ ಖಾತೆ ಕ್ಯಾತೆ ಬೇರೆ ಶುರುವಾಗಿದೆ. ನನಗೆ ನೆಮ್ಮದಿ ಬೇಡ್ವಾ?’</p>.<p>‘ಬೇಕು, ಆದ್ರೆ ಅದು ಹೊರಗಡೆ ಸಿಗೋದಲ್ಲ. ನೀವು ಕಂಡುಕೋಬೇಕು. ಎಲ್ಲ ಭಾರ ವರಿಷ್ಠರ ಮೇಲೆ ಹಾಕಿ. ಇಲ್ಲ, ತಿಂಗಳಿಗೊಂದ್ಸಲ ಖಾತೆ ಚೇಂಜ್ ಮಾಡಿ. ಎಲ್ಲರೂ ಎಲ್ಲ ಖಾತೆನೂ ಅನುಭವಿಸಲಿ...’</p>.<p>‘ಏನು? ತಿಂಗಳಿಗೊಂದ್ಸಲ ಖಾತೆ ಚೇಂಜ್ ಮಾಡೋಕಾಗುತ್ತಾ? ನೀವೊಳ್ಳೆ...’</p>.<p>‘ಇಲ್ಲಾಂದ್ರೆ ಮೂರು ತಿಂಗಳಿಗೊಂದ್ಸಲ ಮಂತ್ರಿಗಳನ್ನೇ ಚೇಂಜ್ ಮಾಡಿ. ಮೂಲ, ವಲಸಿಗ ಎಲ್ಲರೂ ಮಂತ್ರಿಗಳಾಗ್ಲಿ. ನಿಮಗೆ ತಲೆನೋವು ತಪ್ಪುತ್ತೆ...’</p>.<p>‘ಯಾಕೆ? ಆರು ತಿಂಗಳಿಗೊಂದ್ಸಲ ಮುಖ್ಯಮಂತ್ರಿನೇ ಚೇಂಜ್ ಮಾಡಿದ್ರೆ ಹೆಂಗೆ?’</p>.<p>‘ಅದೂ ಆಗಬಹುದು. ಎಲ್ಲವನ್ನೂ ವರಿಷ್ಠರೇ ನಿರ್ಧರಿಸೋದ್ರಿಂದ ಮುಖ್ಯಮಂತ್ರಿ ಯಾರಾದ್ರೇನು? ಮುಖ್ಯಮಂತ್ರಿ ಸ್ಥಾನ ಸಿಗುತ್ತೆ ಅಂದ್ರೆ ನಿಮ್ಮ ಮಾನಸಪುತ್ರ ಹೊನ್ನಾಳಿ ಸ್ಟಾರ್ ಕೂಡ ಒಂದು ಕೈ ನೋಡೇ ಬಿಡ್ತಾರೇನೋ...’</p>.<p>‘ಅವರ ಹೆಸರೆತ್ತಬೇಡಿ ನನ್ನ ಮುಂದೆ. ಏನ್ ತಮಾಷೆ ಮಾಡ್ತಿದೀರಾ? ಅಷ್ಟಕ್ಕೂ ಯಾರು ನೀವು? ಏನಾಗಬೇಕು ನಿಮಗೆ?’ ರಾಜಾಹುಲಿ ಕಿಡಿಕಿಡಿಯಾದರು.</p>.<p>‘ಕೋಪ ಬೇಡ, ನನ್ನ ಬಗ್ಗೆ ನಿಮ್ಮ ಪಕ್ಷದ ನಾಯಕರೊಬ್ಬರು ಬಾಯಿಗೆ ಬಂದ ಹಾಗೆ ಮಾತಾಡ್ತಿದಾರೆ. ಅವರನ್ನ ಹದ್ದುಬಸ್ತಿನಲ್ಲಿಡಿ ಅಂತ ಹೇಳೋಕೆ ಬಂದಿದ್ದೆ. ಪರವಾಗಿಲ್ಲ, ನಾನು ಬರ್ತೀನಿ...’ ವೃದ್ಧರು ಹೊರಡಲು ಮುಂದಾದರು.</p>.<p>‘ನಿಲ್ಲಿ, ಯಾರು ನೀವು? ನಿಮ್ಮ ಹೆಸರೇನು?’</p>.<p>‘ನಾನು ಮೋಹನದಾಸ ಕರಮಚಂದ ಗಾಂಧಿ. ಎಲ್ರೂ ನನ್ನ ಮಹಾತ್ಮ ಗಾಂಧಿ ಅಂತ ಕರೀತಾರೆ!’</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
