ಸೋಮವಾರ, ಜನವರಿ 27, 2020
15 °C

ಮಂಗಳವಾರ, 2–12–1969

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಳಗಾವಿ ನಗರ ಮಹಾರಾಷ್ಟ್ರಕ್ಕೆ?

ನವದೆಹಲಿ, ಡಿ. 1– ಬೆಳಗಾವಿಯನ್ನು ಎರಡು ಭಾಗ ಮಾಡಿ ಮೈಸೂರು– ಮಹಾರಾಷ್ಟ್ರ ರಾಜ್ಯಗಳಿಗೆ ಹಂಚಲು ಕೇಂದ್ರ ಸರ್ಕಾರ ಆಲೋಚಿಸುತ್ತಿದೆಯೆಂದು ವರದಿಯಾಗಿದೆ.

ಬೆಳಗಾವಿಯನ್ನು ಎರಡಾಗಿ ವಿಂಗಡಿಸಲು ಅಲ್ಲಿರುವ ರೈಲ್ವೆ ಮಾರ್ಗವನ್ನು ವಿಭಜನಾ ರೇಖೆಯನ್ನಾಗಿ ಪರಿಗಣಿಸಲಾಗುವುದು. ಈಗಿನ ಸೂಚನೆಯಂತೆ ಬೆಳಗಾವಿ ನಗರ ಮಹಾರಾಷ್ಟ್ರದ ಪಾಲಾಗುವುದು. ರೈಲ್ವೆ ಮಾರ್ಗದ ಮತ್ತೊಂದು ಬದಿಯಲ್ಲಿರುವ ಶಹಪುರ ಮೈಸೂರಿನಲ್ಲೇ ಉಳಿಯುವುದು. ಮೈಸೂರು– ಮಹಾರಾಷ್ಟ್ರ ಗಡಿ ವಿವಾದ ಹಾಗೂ ಚಂಡೀಗಡ ಸಮಸ್ಯೆಯನ್ನು ಇತ್ಯರ್ಥಗೊಳಿಸುವುದಕ್ಕಾಗಿ, ವಿವಾದಕ್ಕೊಳಗಾಗಿರುವ ಪ್ರದೇಶಗಳನ್ನು ಸಮಪಾಲು ಮಾಡಿ ಹಂಚಿ ಕೈತೊಳೆದುಕೊಳ್ಳುವ ಹಾದಿಯಲ್ಲಿ ಕೇಂದ್ರ ಸರ್ಕಾರ ಆಲೋಚಿಸುತ್ತಿರುವುದು ಕಂಡುಬಂದಿದೆ.

ಇಂದಿರಾ ಕಾಂಗ್ರೆಸ್ ಅಧ್ಯಕ್ಷರಾಗಿ ಜಗಜೀವನರಾಂ ಒಮ್ಮತದ ಆಯ್ಕೆ ಖಚಿತ

ನವದೆಹಲಿ, ಡಿ. 1– ಕೇಂದ್ರ ಆಹಾರ ಸಚಿವ ಜಗಜೀವನರಾಂ ಅವರು ಪ್ರಧಾನಿ ಇಂದಿರಾ ಗಾಂಧಿ ನಾಯಕತ್ವದಲ್ಲಿರುವ ಆಡಳಿತಾರೂಢ ಭಾರತ ರಾಷ್ಟ್ರೀಯ ಕಾಂಗ್ರೆಸ್ಸಿನ ಅಧ್ಯಕ್ಷರಾಗಿ ಸರ್ವಾನುಮತದಿಂದ ಆಯ್ಕೆಯಾಗುವುದು ಖಚಿತ.

ನಾಮಕರಣ ಪತ್ರ ಸಲ್ಲಿಸಲು ಕೊನೆಯ ದಿನವಾದ ಇಂದು ಜಗಜೀವನರಾಂರವರ ನಾಮಪತ್ರ ಮಾತ್ರ ಸಲ್ಲಿಸಲಾಗಿತ್ತು.

ಪ್ರತಿಕ್ರಿಯಿಸಿ (+)