ಚುನಾವಣೆ: ನೇರ ಹಣಾಹಣಿ

371 (ಜೆ) ತಿದ್ದುಪಡಿ, ಅನುಷ್ಠಾನ, ಈ ಬಾಗದ ಅಭಿವೃದ್ಧಿಗೆ ವಿಶೇಷ ಆರ್ಥಿಕ ನೆರವು, ನೀರಾವರಿ ಯೋಜನೆ­ಗಳಿಗೆ ಸಂಬಂಧಿಸಿದ ದೂರದೃಷ್ಟಿ ನಮ್ಮಲ್ಲಿದೆ. ವೈಯಕ್ತಿಕ­ವಾಗಿ ನನ­ಗಿರುವ ರಾಜಕೀಯ ಅನುಭವವೂ ಅಭಿವೃದ್ಧಿ ಕೆಲಸಗಳಿಗೆ ಸಹಕಾರಿಯಾಗಲಿದೆ.
ಕರಡಿ ಸಂಗಣ್ಣ: ಜನರ ಪರ ನಿಲ್ಲುತ್ತೇನೆ ಎಂಬ ವಿಶ್ವಾಸ ಮತದಾರ­ರಿಗಿದೆ. ಅಭಿ­ವೃ­ದ್ಧಿಯ ದೃ­ಷ್ಟಿ­ಯಿಂದ ಮತ ಹಾಕ­ಬೇಕು. ದ­ೇಶ­ದ ಒಳಗೆ– ಹೊರಗೆ ಕಾಡುತ್ತಿರುವ ಆತಂಕವನ್ನು ಬಿಜೆಪಿ ತೊಡೆದುಹಾಕಬಲ್ಲುದು ಎಂಬ ವಿಶ್ವಾಸ ಯುವಜನರಿಗಿದೆ.

*ಪಕ್ಷ ಬದಲಾಯಿಸಿ ಅವಕಾಶ ಹುಡುಕುವ ನಿಮಗೇಕೆ ಮತ ಹಾಕಬೇಕು?
ಸಂಗಣ್ಣ: ಪಕ್ಷ ಬದಲಾಯಿಸಿದ್ದು ಅಭಿವೃದ್ಧಿಯ ದೃಷ್ಟಿಯಿಂದ ಅಷ್ಟೇ ಹೊರತು ಅಧಿಕಾರದ ಆಸೆಯಿಂದಲ್ಲ. ಜನರೂ ನಮ್ಮನ್ನು ಅಳತೆ ಮಾಡುತ್ತಾರೆ. ಇಂದು ಮತದಾರರನ್ನು ಗುತ್ತಿಗೆಗೆ ಪಡೆದು ಮತ ಹಾಕಿಸಿಕೊಳ್ಳಲಾಗದು. ಇಂದು ಮತದಾರರು ಸ್ವಂತ ನಿರ್ಧಾರ ಹೊಂದಿದ್ದಾರೆ.

*ಸರ್ಕಾರ ಸ್ಥಳೀಯಾಡಳಿತ ಸಂಸ್ಥೆ ಕಾಂಗ್ರೆಸ್‌ ಕೈಯಲ್ಲಿರಬೇಕಾದರೆ ನಿಮ್ಮ ತಂತ್ರ ಏನು?
ಸಂಗಣ್ಣ: ಹಿಂದೆ ನಮ್ಮೊಳಗೆ ಗೊಂದಲ ಇತ್ತು. ಈಗ ಸರಿಪಡಿಸಿಕೊಂಡು ಒಗ್ಗಟ್ಟಾಗಿದ್ದೇವೆ. ಯಾವುದೇ ವ್ಯವಸ್ಥೆ ಕಾಂಗ್ರೆಸ್‌ ಕೈಯಲ್ಲಿರಲಿ. ಆದರೆ, ಜನರಿಗೆ ಭ್ರಮನಿರಸನವಾಗಿದೆಯಲ್ಲಾ.

*ಯುವ ಮತದಾರರನ್ನು ಹೇಗೆ ಸೆಳೆಯುತ್ತೀರಿ?
ಹಿಟ್ನಾಳ: ರಾಹುಲ್‌ ಗಾಂಧಿ ಅವರ ಚಿಂತನೆ, ಅವರ ಶಕ್ತಿ, ರಾಜ್ಯ ಸರ್ಕಾರದ ಕೆಲಸಗಳು ಯುವಮತದಾರರನ್ನು ಖಂಡಿತ ಸೆಳೆಯುತ್ತವೆ. ಮೋದಿ ಭಾಷಣ ಮಾಡಿದ ತಕ್ಷಣ ಮತದಾರರು ಬದಲಾಗುವುದಿಲ್ಲ.

*ಗೆದ್ದರೆ ಕ್ಷೇತ್ರದ ಅಭಿವೃದ್ಧಿಗೆ ವೈಯಕ್ತಿಕ ಚಿಂತನೆಗಳೇನು?
ಹಿಟ್ನಾಳ: ವೈಯಕ್ತಿಕ, ಸರ್ವತೋಮುಖ ಅಭಿವೃದ್ಧಿಗೆ ಪ್ರಯತ್ನಿಸೋಣ. ಕ್ಷೇತ್ರಕ್ಕೆ ಮಾಡಬೇಕಾದ ಕೆಲಸಗಳು ಸಾಕಷ್ಟಿವೆ. ಮುಖ್ಯವಾಗಿ ಬಾಕಿ ಇರುವ ನೀರಾವರಿ ಯೋಜನೆಗಳು ಜಾರಿಗೆ ಬರಬೇಕು. ರಸ್ತೆ, ಸಾರಿಗೆ ವ್ಯವಸ್ಥೆ ಅಭಿವೃದ್ಧಿ ಆಗಬೇಕು. ಶೈಕ್ಷಣಿಕ ಬೆಳವಣಿಗೆ ಆಗಬೇಕು. ಅದರಲ್ಲೂ ಕೇಂದ್ರ ಸರ್ಕಾರದ ಸೌಲಭ್ಯಗಳನ್ನು ಗ್ರಾಮೀಣ ಮಟ್ಟಕ್ಕೂ ತಲುಪಿಸುವ ಪ್ರಾಮಾಣಿಕ ಪ್ರಯತ್ನ ಮಾಡುತ್ತೇನೆ.
ಸಂಗಣ್ಣ: ಯುವಜನರ ಸಬಲೀಕರಣಕ್ಕೆ ಆದ್ಯತೆ ಕೊಡುತ್ತೇನೆ. ಬಾಕಿ ಇರುವ ರೈಲ್ವೆ ಯೋಜನೆಗಳನ್ನು ಪೂರ್ಣಗೊಳಿಸಬೇಕು. ಈ ಭಾಗದಲ್ಲಿ ಉದ್ಯೋಗ ಸೃಷ್ಟಿ ಆಗಬೇಕು. ಮೋದಿ ಅವರ ಅಭಿವೃದ್ಧಿ ಚಿಂತನೆಯ ಜತೆಗೆ ಈ ಭಾಗದ ಬೇಡಿಕೆಗಳಿಗೆ ಅನುಗುಣವಾಗಿ ಅಭಿವೃದ್ಧಿಗೆ ಸ್ಪಂದಿಸುವುದು ನನ್ನ ಜವಾಬ್ದಾರಿ.

*ಬಡವರ ನೋವು ಕರಡಿ ಅವರಿಗೆ ಗೊತ್ತೇ?
ಸಂಗಣ್ಣ: ಖಂಡಿತವಾಗಿ ಗೊತ್ತು. ಈ ಪ್ರಶ್ನೆ ಕೇಳಿದ ಪ್ರತಿಪಕ್ಷದ ಮುಖಂಡರ ಹಾಗೆ ನಾನೇನು ಆಕ್ಸ್‌ಫರ್ಡ್‌ ವಿಶ್ವವಿದ್ಯಾಲಯದಲ್ಲಿ ಹವಾನಿಯಂತ್ರಿತ ಕೊಠಡಿಯಲ್ಲಿ ಓದಿದವನಲ್ಲ. ತೀರಾ ಗ್ರಾಮೀಣ ಪ್ರದೇಶದಿಂದಲೇ ಬೆಳೆದು ಬಂದವನು. ಬಡವರ ನೋವನ್ನು ಅರ್ಥ ಮಾಡಿಕೊಂಡಿದ್ದೇನೆ.