ಸಾಮಾಜಿಕ ನ್ಯಾಯ ರಾಜಕೀಯ ದಾಳವಾಗದಿರಲಿ

ಸಿದ್ದರಾಮಯ್ಯನವರು ಮುಖ್ಯಮಂತ್ರಿಯಾಗಿದ್ದ ಕಾಲದಲ್ಲಿ ಮುನ್ನೆಲೆಗೆ ಬಂದ ಸದಾಶಿವ ಆಯೋಗ ವರದಿ ಜಾರಿ ವಿಚಾರವನ್ನು ಚುನಾವಣೆ ನೆಪ ಹೇಳಿ ಮುಂದೆ ಹಾಕಲಾಯಿತು. ಈಗ, ಸುಪ್ರೀಂ ಕೋರ್ಟ್‌ನ ಐವರು ನ್ಯಾಯಮೂರ್ತಿಗಳ ಪೀಠವು ಒಳಮೀಸಲಾತಿ ಪರವಾದ ಅಭಿಪ್ರಾಯ ವ್ಯಕ್ತಪಡಿಸಿದೆ. ಅಸಮಾನರನ್ನು ಸಮಾನರೆಂದು ಪರಿಗಣಿಸಿ ಅನ್ಯಾಯ ಮಾಡಬಾರದೆಂಬ ಮಾನವೀಯ, ಮೈಲಿಗಲ್ಲು ನಿಲುವು ತಾಳಿದೆ.ಹಿಂದುಳಿದ ವರ್ಗಗಳಲ್ಲಿ ಒಳಮೀಸಲಾತಿ ಈಗಾಗಲೇ ಇರುವುದಾದರೆ ಪರಿಶಿಷ್ಟ ಜಾತಿಗಳಿಗೆ ಅನ್ವಯಿಸುವುದು ತಪ್ಪಲ್ಲ ಎಂಬ ಸ್ಪಷ್ಟ ಸಂದೇಶವನ್ನು ಪೀಠವು ನೀಡಿದೆ.

ಕರ್ನಾಟಕ, ಆಂಧ್ರ, ತೆಲಂಗಾಣದ ಮಾದಿಗ ಸಮುದಾಯದ ಮೂರು ದಶಕಗಳ ಹೋರಾಟವನ್ನು ಪೀಠವು ಎತ್ತಿಹಿಡಿದು ಸಾಂವಿಧಾನಿಕ ಮುದ್ರೆಯೊತ್ತಿದೆ. ಸಾಮಾಜಿಕ ನ್ಯಾಯವು ಪಕ್ಷಗಳ ರಾಜಕೀಯ ದಾಳವಾಗದೆ ನಿಜಾರ್ಥದ ನ್ಯಾಯದಾನವಾಗಬೇಕು. ಅತ್ಯಂತ ಶೋಷಿತ ಜಾತಿಗಳ ಜನರಿಗೂ ಶಿಕ್ಷಣ, ಉದ್ಯೋಗ ದೊರಕಿ ಅವರ ಮುಖಗಳಲ್ಲಿ ಮಂದಹಾಸ ಮೂಡಬೇಕು. ಇದೇ ಒಳಮೀಸಲಾತಿಯ ಮೂಲ ಮಂತ್ರವಾಗಬೇಕು.

(ಲೇಖಕ ರಾಜ್ಯಸಭಾ ಸದಸ್ಯ)