ಸುಪ್ರೀಂ ಕೋರ್ಟ್‌ನ 52ನೇ ಮುಖ್ಯ ನ್ಯಾಯಮೂರ್ತಿಯಾಗಿ ಅಧಿಕಾರ ವಹಿಸಿಕೊಂಡಿರುವ ಬಿ.ಆರ್‌. ಗವಾಯಿ ಅವರು ಸಾರ್ವಜನಿಕವಾಗಿ ನ್ಯಾಯಾಂಗವು ಹೇಗಿರಬೇಕು ಎಂಬುದರ ಕುರಿತು ಭಿನ್ನ ನಿಲುವು ಹೊಂದಿದ್ದಾರೆ. ಈ ಹಿಂದೆ ಇದ್ದ ಮುಖ್ಯ ನ್ಯಾಯಮೂರ್ತಿ ಸಂಜೀವ್ ಖನ್ನಾ ಅವರು ನ್ಯಾಯಾಂಗದಲ್ಲಿರುವವರು ಬಹಿರಂಗವಾಗಿ ಏನನ್ನೂ ಹೇಳಬಾರದು ಎಂಬ ನಿಲುವು ಹೊಂದಿದ್ದರು. ಆದರೆ, ಮಾಧ್ಯಮದ ಜೊತೆಗೆ ಸೀಮಿತ ಸಂವಹನ ಇರಬೇಕು ಎಂದು ನ್ಯಾಯಮೂರ್ತಿ ಗವಾಯಿ ಅವರು ಹೇಳುತ್ತಾರೆ.