‘ಬಿ’ ವಲಯಕ್ಕೆ ಸೇರಿಸಿ

7

‘ಬಿ’ ವಲಯಕ್ಕೆ ಸೇರಿಸಿ

Published:
Updated:

ಸಾರ್ವಜನಿಕ ಶಿಕ್ಷಣ ಇಲಾಖೆಯಡಿ ರಾಜ್ಯದ ವಿವಿಧ ತಾಲ್ಲೂಕುಗಳಲ್ಲಿ ಹೋಬಳಿಗೆ ಒಬ್ಬರಂತೆ ಶಿಕ್ಷಣ ಸಂಯೋಜಕರು ಕರ್ತವ್ಯ ನಿರ್ವಹಿಸುತ್ತಿರುವುದು ಸರಿಯಷ್ಟೇ. ಇವರು ಅನುಷ್ಠಾನ ಅಧಿಕಾರಿಗಳಾಗಿದ್ದು, ಶಾಲಾ ಸಂದರ್ಶನ, ಶಾಲಾ ತಪಾಸಣೆ, ಸ್ಥಳ ಪರಿಶೀಲನೆ, ತರಬೇತಿ, ಕಾರ್ಯಾಗಾರ, ಶಿಕ್ಷಕರ ಸಭೆ ಮುಂತಾದವುಗಳನ್ನು ಆಯೋಜಿಸುವುದರ ಜೊತೆಗೆ ಅಕ್ಷರ ದಾಸೋಹ, ಕ್ಷೀರಭಾಗ್ಯ, ಪಠ್ಯಪುಸ್ತಕ, ಸಮವಸ್ತ್ರ, ಬೈಸಿಕಲ್ ವಿತರಣೆ, ಆರ್.ಟಿ.ಇ, ಆರ್.ಎಂ.ಎಸ್.ಎ, ಪ್ರತಿಭಾಕಾರಂಜಿ, ಕ್ರೀಡಾಕೂಟ, ಪರೀಕ್ಷಾ ಕೆಲಸ ನೆರವೇರಿಸುವುದಲ್ಲದೆ ವಿವಿಧ ಕಾರ್ಯಕ್ರಮಗಳಿಗೆ ನೋಡಲ್ ಅಧಿಕಾರಿಗಳಾಗಿಯೂ ಕೆಲಸ ನಿರ್ವಹಿಸುತ್ತಿದ್ದಾರೆ.

2017- 18ನೇ ಸಾಲಿನ ವರ್ಗಾವಣೆ ಪ್ರಕ್ರಿಯೆಯಲ್ಲಿ ಇವರ ಸೇವೆಯನ್ನು ‘ಎ’ ವಲಯ ಎಂದು ಪರಿಗಣಿಸಿರುವುದು ಅವೈಜ್ಞಾನಿಕ ಕ್ರಮವಾಗಿದೆ. ಏಕೆಂದರೆ ಇವರೆಲ್ಲ ‘ಎ’ ವಲಯದ ಶಾಲೆಗಳಷ್ಟೇ ಅಲ್ಲದೆ, ತಾಲ್ಲೂಕಿನಿಂದ 50- 60 ಕಿ.ಮೀ. ದೂರದ ‘ಬಿ’ ಮತ್ತು ‘ಸಿ’ ವಲಯದ ಶಾಲೆಗಳ ಸಂದರ್ಶನ, ತಪಾಸಣೆ ಮತ್ತು ಸ್ಥಳ ಪರಿಶೀಲನೆ ಮುಂತಾದ ಕರ್ತವ್ಯಗಳನ್ನು ಸಹ ನಿರ್ವಹಿಸುತ್ತಾರೆ. ಆದ್ದರಿಂದ ಇವರ ಸೇವೆಯನ್ನು ‘ಬಿ’ ವಲಯ ಎಂದು ಪರಿಗಣಿಸಬೇಕು. ಸಂಬಂಧಪಟ್ಟವರು ಇತ್ತ ಗಮನಹರಿಸುವುದು ಅಗತ್ಯ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !