ಮಧ್ಯಪ್ರದೇಶದ ಹನಿಟ್ರ್ಯಾಪ್ ಲೈಂಗಿಕ ಹಗರಣದ ಜೊತೆ ರಾಜಕಾರಣಿಗಳು, ಅಧಿಕಾರಿಗಳ ಹೆಸರುಗಳು ತಳಕು ಹಾಕಿಕೊಂಡಿವೆ (ಪ್ರ.ವಾ., ಸೆ.28). ಈ ಸಂಬಂಧ ವಶಪಡಿಸಿಕೊಳ್ಳಲಾದ ವಿಡಿಯೊಗಳಲ್ಲಿ ಇದಕ್ಕೆ ಬೇಕಾದ ಪುರಾವೆಗಳಿವೆ ಎಂಬ ಸುದ್ದಿ ಇದೆ. ಆದರೆ, ಎಲ್ಲವೂ ಅಂತೆಕಂತೆ ರೂಪದಲ್ಲಿಯೇ ಹರಿದಾಡುತ್ತಿವೆ. ಹೆಸರು
ಬಹಿರಂಗಪಡಿಸಲು ಏನು ಅಡ್ಡಿ? ಕಾನೂನಿನ ಮುಂದೆ ಎಲ್ಲರೂ ಸಮಾನರು. ತಪ್ಪು ಮಾಡಿದ್ದರೆ ಕ್ರಮಕ್ಕೆ ಒಳಪಡಿಸಬೇಕು ಮತ್ತು ಶಿಕ್ಷೆ ವಿಧಿಸಲೇಬೇಕು. ಬ್ಲ್ಯಾಕ್‌ಮೇಲ್‍ನಿಂದ ಹಣ ವಸೂಲಿ ಮಾಡುವ ಗುಂಪುಗಳಿಗೆ ಸರ್ಕಾರ ಕಡಿವಾಣ ಹಾಕಬೇಕಿದೆ.
