ನೆರೆಯ ದೇಶದೊಂದಿಗೆ ಆರ್ಥಿಕ ಸಮರ ನಡೆಸುವುದೇ ಆದರೆ, ಅದಕ್ಕೆ ಪರ್ಯಾಯ ಸೃಷ್ಟಿಯೇ ಮಾರ್ಗ. ಇದರಿಂದ ಮತ್ತೊಂದಷ್ಟು ಉದ್ಯೋಗ ಸೃಷ್ಟಿಗೆ ಅನುವಾಗುತ್ತದೆ. ಭಾರತದಲ್ಲಿ ಇತ್ತೀಚೆಗೆ ಬ್ಯಾನ್ ಆದ ಪಬ್‌ಜಿ ಗೇಮಿಂಗ್ ತಂತ್ರಾಂಶವನ್ನು ಜಪಾನ್‍ನ ಕಂಪನಿ ಖರೀದಿಸಲು ಯತ್ನಿಸುತ್ತಿದೆ ಎಂದು ವರದಿಯಾಗಿದೆ. ಅಂದರೆ, ಅದೇ ಆ್ಯಪ್ ಇನ್ನೊಂದು ಹಾದಿಯಲ್ಲಿ ನಮ್ಮ ಮೊಬೈಲ್‍ಗೆ ಹಿಂದಿರುಗುತ್ತದೆ ಎಂದಾಯಿತು. ಪ್ರಸ್ತುತ ಸಂದರ್ಭದಲ್ಲಿ ತಯಾರಿಕಾ- ಸೇವಾ ಕ್ಷೇತ್ರಗಳು ಮಾತ್ರ ಇಂದಿನ ಉದ್ಯೋಗದ ಮೂಲ ಎಂದು ಆರ್ಥಿಕ ತಜ್ಞರು ಹೇಳುತ್ತಿದ್ದಾರೆ. ಕೋವಿಡ್–19ರ ಹೊಡೆತದಿಂದ ಬೇಸತ್ತ ಜನರಿಗೆ ಇರುವ ಉದ್ಯೋಗದ ಅವಶ್ಯಕತೆಗೆ ಪೂರಕವಾಗಿ ಸರ್ಕಾರವು ತ್ವರಿತ ಕ್ರಮಗಳನ್ನು ಕೈಗೊಳ್ಳಲಿ.
