ಕರ್ನಾಟಕವೆಂದರೆ ಬರೀ ಕನ್ನಡವಲ್ಲ...
ಅಕ್ಷರ ಗಾತ್ರ :ಆ |ಆ |ಆ
‘ಕನ್ನಡ ಭಾಷೆಯ ಸಮಗ್ರ ಅಭಿವೃದ್ಧಿ ಮಸೂದೆ– 2022’ ಅನ್ನು ರಾಜ್ಯ ಸರ್ಕಾರ ಈಚೆಗೆ ಜರುಗಿದ ವಿಧಾನಮಂಡಲ ಅಧಿವೇಶನದಲ್ಲಿ ಮಂಡಿಸಿದೆ. ಆ ಮಸೂದೆಯು ಕನ್ನಡ ಭಾಷೆಯನ್ನು ಅಭಿವೃದ್ಧಿಪಡಿಸುವುದರ ಕಡೆಗೆ ಮಾತ್ರ ಲಕ್ಷ್ಯ ಕೊಟ್ಟಿದ್ದು, ಅದರಲ್ಲಿ ತುಳು, ಕೊಡವ, ಕನ್ನಡ-ಕೊಂಕಣಿ ಹಾಗೂ ಬ್ಯಾರಿ ನುಡಿಗಳ ಭವಿಷ್ಯವನ್ನು ಕಾಯುವ ಮಾತೇ ಇಲ್ಲವಾಗಿದೆ. ಈ ವಿಷಯದಲ್ಲಿ ಆ ನಮ್ಮ ನಾಡುನುಡಿಗಳ ಹಿತವನ್ನು ಕಾಯುವ ಸಂಘಟನೆಗಳು ಎತ್ತಿರುವ ಆಕ್ಷೇಪ ನ್ಯಾಯಯುತವಾದದ್ದು.
ನಮ್ಮ ರಾಜ್ಯವು ಕನ್ನಡ ನುಡಿಯನ್ನು ಮಾತ್ರ ಆಡುವವರಿಗೆ ಸೇರಿದ್ದಲ್ಲ. ನಿಜಕ್ಕೂ, ಕರ್ನಾಟಕದ ಮುಖ್ಯ ನುಡಿಗಳೆಂದರೆ ಕನ್ನಡದ ಜೊತೆಗೆ ಈ ನುಡಿಗಳೂ ಹೌದಲ್ಲವೆ? ಕರ್ನಾಟಕದವರು ಎಂದರೆ ಈಗ ಹೆಸರಿಸಿದ ಆ ನುಡಿಗಳನ್ನು (ಮತ್ತು ಇನ್ನೆಷ್ಟೋ ದೇಸಿ ನುಡಿಗಳನ್ನು) ಆಡುವವರು ಕೂಡ ಹೌದಲ್ಲವೆ? ಅದು ಹಾಗಿರುವುದು ನಮ್ಮ ಭಾಗ್ಯವಲ್ಲವೆ? ಆದ್ದರಿಂದ ಕರ್ನಾಟಕ ಸರ್ಕಾರವು ಕನ್ನಡದ ಜೊತೆಗೆ ತುಳು, ಕೊಡವ, ಕನ್ನಡ-ಕೊಂಕಣಿ ಮತ್ತು ಬ್ಯಾರಿ ನುಡಿಗಳ ಸಮಗ್ರ ಅಭಿವೃದ್ಧಿಯೂ ನಡೆಯುವಂತೆ ಆ ಮಸೂದೆಗೆ ತಿದ್ದುಪಡಿ ತಂದು ಮಂಡಿಸಬೇಕಿದೆ.
-ರಘುನಂದನ, ಬೆಂಗಳೂರು
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
