ಕಲಬುರ್ಗಿಯಲ್ಲಿ ಮ್ಯಾನ್‌ಹೋಲ್‌ಗೆ ಇಳಿದ ಇಬ್ಬರು ಪೌರಕಾರ್ಮಿಕರು ಸಾವಿಗೀಡಾಗಿರುವುದನ್ನು ತಿಳಿದು ಮನಸ್ಸಿಗೆ ತುಂಬಾ ನೋವಾಯಿತು. ಗುತ್ತಿಗೆ ಪೌರ ಕಾರ್ಮಿಕರು ವೃತ್ತಿ ಭದ್ರತೆಯಿಲ್ಲದೆ, ಹೊಟ್ಟೆಪಾಡಿಗಾಗಿ ಹೀಗೆ ತಮ್ಮ ಪ್ರಾಣವನ್ನೇ ಪಣಕ್ಕೆ ಇಡಬೇಕಾಗಿದೆ. ಒಳಚರಂಡಿ ಸ್ವಚ್ಛತೆ ಇಲ್ಲವೇ ದುರಸ್ತಿ ಕೆಲಸಗಳನ್ನು ಯಂತ್ರೋಪಕರಣಗಳ ನೆರವಿನಿಂದ ಮಾಡಬೇಕು. ಸುರಕ್ಷಾ ಸಾಧನಗಳಿಲ್ಲದೆ ಬಡಪಾಯಿಗಳನ್ನು ಮ್ಯಾನ್‌ಹೋಲ್‌ಗೆ ಇಳಿಸುವ ಮೂಲಕ ಅವರ ಜೀವಗಳ ಜತೆ ಚೆಲ್ಲಾಟ ಆಡುವ ಪ್ರವೃತ್ತಿ ನಿಲ್ಲಬೇಕು.
