ಶಾಲಾ ವಾರ್ಷಿಕೋತ್ಸವಗಳಲ್ಲಿ ಚಲನಚಿತ್ರ ಗೀತೆಗಳಿಗೆ ವಿದ್ಯಾರ್ಥಿಗಳಿಂದ ನೃತ್ಯ ಮತ್ತು ಅಭಿನಯ ಮಾಡಿಸದಂತೆ ಶಿಕ್ಷಣ ಇಲಾಖೆ ನಿರ್ದೇಶಿಸಿರುವುದುಸ್ವಾಗತಾರ್ಹ.
ದ್ವಂದ್ವಾರ್ಥ ಹಾಗೂ ಅಶ್ಲೀಲ ಸಾಹಿತ್ಯದ ಗೀತೆಗಳನ್ನು ಬಳಸಿಕೊಂಡು ಮನರಂಜನಾ ಕಾರ್ಯಕ್ರಮ ಮಾಡುವುದು ಮುಜುಗರವೇ ಸರಿ. ಇದರಿಂದ ಮಕ್ಕಳ ಮೇಲೆ ಪರಿಣಾಮ ಬೀರುವುದು ಸಹಜ.
ಆದರೆ, ಚಲನಚಿತ್ರಗಳಲ್ಲಿ ದೇಶಭಕ್ತಿ ಹಾಗೂ ಜನಪದ ಸಾಹಿತ್ಯ ಇರುವ ಗೀತೆಗಳೂ ಇರುತ್ತವೆ. ಹೀಗಾಗಿ, ಮಕ್ಕಳ ಮೇಲೆ ಒಳ್ಳೆಯ ಪರಿಣಾಮ ಬೀರುವ ಇಂತಹ ಗೀತೆಗಳನ್ನು ಬಳಸಲು ಅನುಮತಿ ನೀಡಿ, ಅಶ್ಲೀಲ, ದ್ವಂದ್ವಾರ್ಥದ ಗೀತೆಗಳನ್ನು ಮಾತ್ರ ನಿಷೇಧಿಸಬೇಕು.