ಒಂದೆಡೆ, ಪಂಜಾಬ್ ಸರ್ಕಾರ ಜುಲೈ 1ರಿಂದ ತಮ್ಮ ರಾಜ್ಯದ ಜನರಿಗೆ ಗೃಹ ಬಳಕೆಗಾಗಿ 300 ಯುನಿಟ್ಗಳವರೆಗೆ ಉಚಿತ ವಿದ್ಯುತ್ ನೀಡಲು ನಿರ್ಧರಿಸಿದ್ದರೆ, ಇನ್ನೊಂದೆಡೆ, ನಮ್ಮ ಕರ್ನಾಟಕ ಸರ್ಕಾರ ಅದೇ ದಿನದಿಂದ ವಿದ್ಯುತ್ ದರ ಏರಿಸಲು ನಿರ್ಧರಿಸಿರುವುದು ವಿಪರ್ಯಾಸ. ಉಚಿತ ವಿದ್ಯುತ್ ನೀಡುವುದಿರಲಿ ಕೊನೇಪಕ್ಷ ಜನರಿಗೆ ಕೈಗೆಟುಕುವ ದರದಲ್ಲಿಯಾದರೂ ನೀಡಬಹುದಲ್ಲವೇ? ಸರ್ಕಾರ ತನ್ನ ಅನಗತ್ಯ ಖರ್ಚು ವೆಚ್ಚಗಳಿಗೆ ಕಡಿವಾಣ ಹಾಕಿ, ಅಗತ್ಯ ವಸ್ತುಗಳ ಬೆಲೆ ಏರಿಕೆಯನ್ನು ನಿಯಂತ್ರಿಸಲೇಬೇಕಾದ ಅನಿವಾರ್ಯ ಸ್ಥಿತಿ ಈಗ ಬಂದಿದೆ.