ಶನಿವಾರ, ಡಿಸೆಂಬರ್ 5, 2020
24 °C

ಕಾಗದದ ವ್ಯರ್ಥ ಬಳಕೆ ಸರಿಯಲ್ಲ

ಜೆ.ಜಿ.ಉಪಾಧ್ಯಾಯ. ಪುತ್ತೂರು Updated:

ಅಕ್ಷರ ಗಾತ್ರ : | |

ದ್ವಿತೀಯ ಪಿಯುಸಿ ಪಬ್ಲಿಕ್ ಪರೀಕ್ಷೆಯಲ್ಲಿ ಉತ್ತರಿಸಲು ವಿದ್ಯಾರ್ಥಿಗಳಿಗೆ 42 ಪುಟಗಳ ಬುಕ್‌ಲೆಟ್ ಕೊಡುವ ಪಿಯು ಮಂಡಳಿಯ ನಿರ್ಧಾರ ದುರದೃಷ್ಟಕರ ಮತ್ತು ವಿವೇಚನಾರಹಿತವಾದುದು. ಎಲ್ಲೋ ಶೇ 10ಕ್ಕಿಂತಲೂ ಕಡಿಮೆ ವಿದ್ಯಾರ್ಥಿಗಳಿಗೆ ಗಣಿತದಂತಹ ಒಂದೆರಡು ವಿಷಯಗಳಿಗೆ 20ಕ್ಕಿಂತ ಹೆಚ್ಚು ಪುಟಗಳು ಬೇಕಾಗಬಹುದು. ಅದಕ್ಕಾಗಿ ಎಲ್ಲ ವಿದ್ಯಾರ್ಥಿಗಳಿಗೆ ಎಲ್ಲ ವಿಷಯಗಳಿಗೂ ಹೆಚ್ಚಿನ ಪೇಪರ್ ಕೊಡುವುದು ಅನುಚಿತ ಮಾತ್ರವಲ್ಲ ಕಾಗದದ ವ್ಯರ್ಥ ಬಳಕೆಯೇ ಸರಿ.

ಆರೇಳು ಲಕ್ಷ ವಿದ್ಯಾರ್ಥಿಗಳಿಗೆ ಆರು ವಿಷಯಗಳಿಗೆ ವ್ಯರ್ಥವಾಗುವ ಕಾಗದದ ಪ್ರಮಾಣವೆಷ್ಟು ಎಂಬುದನ್ನು ಊಹಿಸಿದರೆ ಅಗಾಧತೆಯ ಅರಿವಾಗುತ್ತದೆ. ಹೆಚ್ಚುವರಿ ಹಾಳೆಗಳನ್ನು ಕಿತ್ತುಹೋಗದಂತೆ ಕೊನೆಯ ಶೀಟಿನ ಒಳಗೆ ಕಟ್ಟುವ ಮೂಲಕ ಪರಿಹಾರ ಕಂಡುಕೊಳ್ಳಬಹುದು.

ಕಾಗದರಹಿತ ಕಚೇರಿಗಳ ಮೂಲಕ ಪರಿಸರದ ಮೇಲಿನ ಒತ್ತಡ ತಗ್ಗಿಸುವ ಯೋಚನೆಯನ್ನೇ ಅಪಹಾಸ್ಯ ಮಾಡುವಂತಿದೆ ಈ ತೀರ್ಮಾನ. ಹೆಚ್ಚುವರಿ ಹಾಳೆಗಳನ್ನು ಪಡೆಯಲು ಸಮಯ ವ್ಯರ್ಥವಾಗುತ್ತದೆ ಎಂಬುದು ವ್ಯರ್ಥ ಸಬೂಬು. ಇಲಾಖೆ ತನ್ನ ತೀರ್ಮಾನವನ್ನು ಮರುಪರಿಶೀಲಿಸಲಿ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು