ರಜನಿ ನಡೆಯ ಹಿಂದಿನ ಕಾರಣ...

ರಜನಿಕಾಂತ್‌ ಅವರು ರಾಜಕೀಯ ಪ್ರವೇಶಿಸದ ಮತ್ತು ಹೊಸ ರಾಜಕೀಯ ಪಕ್ಷ ಕಟ್ಟದಿರುವುದಕ್ಕೆ ನೀಡಿರುವ ‘ಆರೋಗ್ಯ’ದ ಕಾರಣ ಮೇಲ್ನೋಟಕ್ಕೆ ಸಹಜ ಎನಿಸುತ್ತದೆ. ಆದರೆ ಕಳೆದ ಕೆಲವು ವರ್ಷಗಳ ಅವರ ನಡವಳಿಕೆಯನ್ನು ಸೂಕ್ಷ್ಮವಾಗಿ ಗ್ರಹಿಸಿದಾಗ ಅವರ ರಾಜಕೀಯ ಸಮೀಕರಣ ಮತ್ತು ಲೆಕ್ಕಾಚಾರ ನಿಗೂಢವೆನಿಸುತ್ತವೆ. ತಮಿಳುನಾಡಿನ ಇಂದಿನ ರಾಜಕೀಯ ಸ್ಥಿತಿಯಲ್ಲಿ ಚುನಾವಣೆ ಗೆದ್ದು ಅಧಿಕಾರ ಹಿಡಿಯುವುದು ಸುಲಭವಲ್ಲ ಎನ್ನುವ ವಾಸ್ತವವನ್ನು ಅವರು ತಿಳಿದುಕೊಂಡಿರಬಹುದು. ಆಂಧ್ರಪ್ರದೇಶದಲ್ಲಿ ಚಿರಂಜೀವಿ ಅವರು ಹತ್ತಿಪ್ಪತ್ತು ಸೀಟುಗಳನ್ನು ಗಳಿಸಿದಂತೆ ಆಗಬಾರದು ಎಂಬ ಕಾರಣಕ್ಕೆ ಮುನ್ನೆಚ್ಚರಿಕೆ ವಹಿಸಿರಬಹುದು.