ಕಾಂಗ್ರೆಸ್‌: ಕುಟುಂಬದ ಆಸ್ತಿ ಅಲ್ಲ

ಸೋಮವಾರ, ಜೂನ್ 17, 2019
28 °C

ಕಾಂಗ್ರೆಸ್‌: ಕುಟುಂಬದ ಆಸ್ತಿ ಅಲ್ಲ

Published:
Updated:

ಕಾಂಗ್ರೆಸ್, ರಾಷ್ಟ್ರ ಮಟ್ಟದಲ್ಲಿ ಬಲಿಷ್ಠ ಪಕ್ಷವಾಗಿ ಉಳಿಯುವುದು ದೇಶದ ಮೊದಲ ಅಗತ್ಯ. ತಾವಾಯಿತು ತಮ್ಮ ರಾಜ್ಯವಾಯಿತು ಎಂದುಕೊಂಡು ಸಂಕುಚಿತ ರಾಜಕಾರಣ ಮಾಡುವ ಚಂದ್ರಬಾಬು ನಾಯ್ಡು, ಮಮತಾ ಬ್ಯಾನರ್ಜಿ ಅವರಂತಹ ರಾಜ್ಯ ಮಟ್ಟದ ನಾಯಕರು ದೇಶದ ಹಿತಕ್ಕೆ ಎಂದೂ ಪೂರಕವಾಗಲಾರರು. ಒಕ್ಕೂಟ ವ್ಯವಸ್ಥೆಯಲ್ಲಿ ತಮ್ಮ ಬೆಂಬಲ ಆಧಾರಿತ ರಾಷ್ಟ್ರೀಯ ಪಕ್ಷವನ್ನು ತಮ್ಮ ಇಷ್ಟದಂತೆ ಆಡಿಸುವ ಹುನ್ನಾರ ಇವರದು. ಹೀಗಾಗಿ ಬಿಜೆಪಿಗೆ ಏನಿದ್ದರೂ ಕಾಂಗ್ರೆಸ್ ಮಾತ್ರ ಪರ್ಯಾಯ.

ಕಾಂಗ್ರೆಸ್‌ನ ದೊಡ್ಡ ಸ್ವಾರ್ಥ ಎಂದರೆ ವಂಶಾಡಳಿತ. ಮಗ ಎಷ್ಟು ಅಸಮರ್ಥನಾದರೂ ಅವನೇ ಉತ್ತರಾಧಿಕಾರಿ ಎನ್ನುವುದು ರಾಜವಂಶದ ಆಡಳಿತದ ಪ್ರಮುಖ ದೋಷ. ಕಾಂಗ್ರೆಸ್ ಒಂದು ಕುಟುಂಬದ ಆಸ್ತಿ ಅಲ್ಲ. ಈಗ ಈ ಭ್ರಾಂತಿಯಿಂದ ಹೊರಬಂದು ಅರ್ಹ ವ್ಯಕ್ತಿಯನ್ನು ನಾಯಕನನ್ನಾಗಿ ಆಯ್ಕೆ ಮಾಡಿ, ಪಕ್ಷ ಬಲಗೊಳ್ಳಬೇಕು. ರಾಹುಲ್ ಗಾಂಧಿ ಸದ್ಯಕ್ಕೆ ಅಧ್ಯಕ್ಷ ಸ್ಥಾನದಿಂದ ಕೆಳಗಿಳಿಯಲು ಸಿದ್ಧರಾಗಿ ಪ್ರಜಾಪ್ರಭುತ್ವಕ್ಕೆ ಗೌರವ ತೋರಿಸಿದ್ದಾರೆ. ಈಗ ಪಕ್ಷದ ಹಿರಿಯ ಚಿಂತಕರು ಇದನ್ನು ಒಪ್ಪಬೇಕು. ಸಮರ್ಥ ನಾಯಕತ್ವದಿಂದ ಕಾಂಗ್ರೆಸ್ ಮತ್ತೆ ಮೊದಲಿನಂತೆ ವಿಜೃಂಭಿಸಲು ಸಾಧ್ಯ.

-ಸತ್ಯಬೋಧ, ಬೆಂಗಳೂರು

 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 14

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !