ಲಾಕ್‌ಡೌನ್‌ನಿಂದ ಸಂಕಷ್ಟಕ್ಕೆ ಸಿಲುಕಿರುವ ಬಡವರಿಗೆ ಸರ್ಕಾರ ಮಾತ್ರವಲ್ಲದೆ ರಾಜಕೀಯ ಪಕ್ಷಗಳು, ಸ್ವಯಂಸೇವಾ ಸಂಸ್ಥೆಗಳು, ಸಾರ್ವಜನಿಕರು ಆಹಾರ, ಪಡಿತರ ಮತ್ತಿತರ ಅವಶ್ಯ ವಸ್ತುಗಳನ್ನು ನೀಡುತ್ತಿರುವುದು ಸ್ತುತ್ಯರ್ಹ ಕಾರ್ಯ. ಆದರೆ ದಾತರು ಈ ಕಾರ್ಯಕ್ಕೆ ಸುದ್ದಿ ಮಾಧ್ಯಮಗಳಲ್ಲಿ ಪ್ರಚಾರ ತೆಗೆದುಕೊಳ್ಳುತ್ತಿರುವುದನ್ನುನೋಡಿದರೆ, ಪ್ರಚಾರದ ಸಲುವಾಗಿಯೇ ಇವರು ಹೀಗೆ ಹಂಚುತ್ತಿರಬಹುದು ಎನಿಸುತ್ತದೆ. ಬಹುತೇಕ ಕಡೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳದೆ ಗುಂಪುಗುಂಪಾಗಿ ಫೋಟೊ ತೆಗೆಸಿಕೊಳ್ಳುತ್ತಿರುವುದು ಪೊಲೀಸರಿಗೆ
ಬಿಸಿತುಪ್ಪವಾಗಿದೆ. ನಿಜವಾಗಲೂ ಸಮಾಜಸೇವೆಯ ಉದ್ದೇಶ ಇದ್ದರೆ, ಈ ಸಂದರ್ಭದಲ್ಲಿ ಫೋಟೊ ಸಂಸ್ಕೃತಿ ಏಕೆ?
