ಫೆಬ್ರುವರಿ 1ರಂದು ಕೇಂದ್ರ ಬಜೆಟ್ ಮಂಡನೆ ಇದೆ. ಇತ್ತೀಚೆಗೆ ಬಜೆಟ್ ಮಂಡನೆಯನ್ನು ಸಾರಾಸಾರ ಸವಿದ ನೆನಪೇ ಇಲ್ಲ. ಮಧ್ಯಾಹ್ನದ ಮಂಡನೆಯನ್ನು ವೀಕ್ಷಿಸಲು ಬಹಳಷ್ಟು ಆಸಕ್ತರಿಗೆ ಸಾಧ್ಯವಾಗುವುದೇ ಇಲ್ಲ. ಆಲಿಸುವ ಕಿವಿಗಳ ಕೊರತೆ ಎದ್ದುಕಾಣುತ್ತದೆ. ವಾಣಿಜ್ಯ ತೆರಿಗೆ ಇಲಾಖೆಯವರು, ಚಾರ್ಟರ್ಡ್ ಅಕೌಂಟೆಂಟ್, ತೆರಿಗೆ ಸಲಹೆಗಾರರು... ಹೀಗೆ ಎಲ್ಲರೂ ತಮ್ಮ ತಮ್ಮ ಕೆಲಸಗಳಲ್ಲಿ ಮಗ್ನರಾಗಿರುತ್ತಾರೆ. ಅಗತ್ಯವಾಗಿ ಆಲಿಸಬೇಕಾದವರಿಗೇ ಆಲಿಸಲು ಇದರಿಂದ ಸಾಧ್ಯವಾಗುವುದಿಲ್ಲ. ಏನಿದ್ದರೂ ಟಿ.ವಿ. ವಾಹಿನಿಗಳು ಆಮೇಲೆ ಕೊಡುವ ತುಂಡು ತುಂಡು ಸುದ್ದಿಗಳಿಗಷ್ಟೇ ತೃಪ್ತಗೊಳ್ಳಬೇಕು.